Aplikacioni për të komunikuar me pacientin. Një zgjidhje që mund të jetë e dobishme

Numrat nuk gënjejnë: ai që ka një problem shëndetësor kërkon në fillim përgjigjen në ueb. Pra mund të jetë momenti i duhur për t'i përshtatur klinikës dentare një aplikacion për të ndërvepruar me pacientët.
Tashmë e dimë që me aplikacion nënkuptojmë një software të realizuar për aparatet celularë, smartphone dhe tablet, të projektuar për të bërë të mundur një sërë shërbimesh të dobishme për përdoruesin. Këshilla për të investuar në këtë projekt vjen nga dy stomatologë që në gjatë intervistave të tyre për një gazetë të njohur online për sektorin dentar, flasin për eksperiencën e tyre.

I pari është një dentist dhe studiues britanik, Ben UnderWood që ka realizuar aplikacionin BrushDJ për të larë dhëmbët nën tingujt e këngëve të preferuara.
E dyta ishte pediatrja Carolyn Bradner Jasik, autore e Mango Health, aplikacioni që udhëzon pacientët për menaxhimin e barnave dhe stilin e duhur të jetës.

Studimi PEW zbulon sesi në ditët e sotme dy të tretat e qytetarëve Amerikanë ka një smartphone (në 2011 ishin vetëm një e treta) dhe nga këto 62% përdorin pajisjen e tyre për të kërkuar në ueb infomacione shëndetësore.
Prandaj aplikacionet,- deklaron UnderWood - janë një mjet i ri për të komunikuar me pacientët.
Avantazhet që ato ofrojnë janë gjashtë:
1) Edukojnë pacientin për të përmirësuar gjendjen e higjienës orale dhe që të monitorojnë sjelljen e tyre në kohë. Ndihmon higjenistin gjatë vizitave për higjienën orale që të përmirësojë motivimin.
2) Lejojnë arritjen e target -it të të rinjve (18/29 vjeç), fasha e moshës që më së shumti përdor smartphone për të kërkuar informacione mbi shëndetin (raporti i PEW) dhe që përdor më së shumti përmbajtjet "edukative" on line. E dimë që pacienti i informuar është më i prirur për të pranuar trajtimet që i propozohen.
3) Ndihmon që të zgjidhen problemet që lidhen me pajtueshmërinë e pacientit; Bradner Jasik i referohet një rasti të një vajze nga San Francisco që ka zgjidhur vështirësitë për të kujtuar pozologjinë e re të kontraceptivëve duke përdorur Mango Health.
4) Dentisti që ofron një aplikacion tregon që shëndeti i pacientit i intereson vërtetë dhe kjo mund të bëhet një mjet i fortë besimi. "Gjithçka që mund të ndihmojë për të arritur një gjendje shëndeti dhe mirëqenieje" - shtojnë Brander Jasik dhe UnderWood - "është e dobishme, sidomos nëse është falas."
5) Aplikacionet rritin përfitimet e klinikës sipas dy mekanizmave. I kujtojnë pacientit se është e nevojshme të caktojë në mënyrë periodike vizitën e kontrollit te dentisti. Përveç kësaj krijojnë pacientë "entuziast" që janë krenar që po trajtohen nga një profesionist që preferon të parandalojë sëmundjet në vend që të kurojnë pasojat; prandaj janë të gatshëm të flasin me miqtë duke përhapur kështu fjalën.
6) Aplikacionet ndihmojnë që të kalojmë një situatat pa zgjidhje të mjekësisë që e sheh shëndetin shpesh të drejtuar nga superspecialistë të degëve të veçanta që kanë si tendencë të humbasin përmasat holistike të personit. Duke përmirësuar stilin e jetës së pacientëve rivendos gojën në qendër të shëndetit të të gjithë organizmit dhe vlerëson figurat e dentistit si profesionist shëndeti.
Por sigurisht, për të krijuar një aplikacion që i intereson pacientëve dhe që funksionon duhen ide dhe investime ekonomike, edhe përmbajtje. Me siguri duhet të merren në konsideratë edhe ato që u këshilluan nga kolegët që kanë eksperimentuar këto mjete.

Nën kujdesin e: Davis Cussotto, stomatolog

Përktheu: Valbona Spahia