Neoformimet cistike në nofullën e sipërme. Saktësimet e prof. Bacci

Rasti i paraqitur i përket një neoformimi cistik në nofullën e sipërme, diagnoza përfundimtare e propozuar nga autorët është ajo e një cisti mesor alveolar, e njohur ndryshe si cist në nofullën e sipërme (CMM) jo odontogjen.
Është diskutuar shumë në literaturë nëse CMM-ja, si njësi nozologjike e ndarë, hezitohet apo jo.
Orientimi aktual, i konfirmuar nga OBSH në "Histological Typing of Odontogenic Tumours" që nga 1992 është që të mos konsiderohet CMM-ja si njësi e ndarë. Cistet mesore të mandibulës dhe maksilës, të menduara më parë se janë njësi që rrjedhin nga epiteli i futur në grackë gjatë shkrirjes së proceseve embrionale të fytyrës. Ekzistenca e këtyre cisteve si njësi që rrjedhin në këtë mënyrë është vënë seriozisht në pikëpyetje nga embriologët dhe patologët. Tani mendohet se ato në maksilë përfaqësojnë një zgjatje të prapme të një cisti në kanalin e hundës në qiellzë në rastin e një cisti në mes të qiellzës dhe një zgjatje anësore në rastin e një cisti mesor alveolar. Herë pas here, një cist në pozicionin mesor alveolar është një keratocist. Cistet në mesin e mandibulës mund të jenë ciste të rrënjës, ciste anësore parodontale ose keratociste odontogjene.
Prandaj kur gjendemi përballë një lezioni të këtij lloji, duhet të merren në konsideratë, në diagnozën diferenciale, njësi të tjera të rëndësishme nozologjike.
Në fakt, pavarësisht se në mënyrë thelbësore që nga viti 1992 cisti në mesin e nofullave është hequr nga klasifikimi i OBSH-së, në mënyrë periodike bëhet shfaqja e tij në disa raporte të pranishme në literaturë.
Pata mundësinë të vërej në një artikull për JOMS në 2011 se çdo autor ka fuqinë të përdorë klasifikimin që preferon dhe të mos pranojë klasifikimet më autoritare, pikërisht si ai i Organizatës Botërore të Shëndetësisë, por ky pozicion duhet të diskutohet, edhe vetëm duke theksuar problematikën klasifikuese.
Në raportin e pranishëm për fat të keq nuk është e pranishme mikro fotografia e ekzaminimit histologjik, që mund të jetë një ndihmë në marrjen në konsideratë të opsioneve të tjera diagnostikuese.

Prof. Christian Bacci

Përktheu: Valbona Spahia