"Barërat e këqija" që duhen shkulur nga klinika dentare. Tre këshillat nga ekspertja amerikane

"Kanë kaluar pak ditë qëkur mbolla farat e luleve dhe në kopshtin tim tashmë janë shfaqur barërat e parë bezdisës." Kjo, sipas Lisa Knowles, dentiste në Michigan dhe përgjegjëse e shoqërisë International Dental Consulting, është një proces fiziologjik që realizohet edhe në klinikë.

Ja cilat janë tre "barërat e këqija" që duhen zhdukur që në rrënjë:
1) Imtësitë e padobishme
Shumë kolegë kanë tendencën të përqendrohen në probleme të vogla kur është sistemi në kompleks që duhet të përmirësohet. Është thyer doreza e endodoncisë: thjesht ose do rregullohet ose do blihet një tjetër! Çfarë duhet thënë për futjen e një asistenteje të re në klinikë? Improvizimi i përgjegjësit të burimeve njerëzore për dentistin është një detyrë më e rëndë sesa trajtimi i një pacienti në ankth.
Pra si t'i shmangim intervistat e gjata me rrezikun e "të dashuruarit me një personalitet të supozuar perfekt" që për çudi shfaqet ai që është në të vërtetë, vetëm pas disa muajsh?
Duhet që të përcaktohet më parë, me shkrim, profili profesional i personit që kërkojmë që duhet të dalë nga mbledhja me ekipin.
Një shembull: Aftësitë manuale në riorganizimin e sterilizimit dhe pastrimit të vendeve; ose aftësia për të negociuar me furnizuesit dhe pacientët. Pasi është bërë kjo realizojmë një listë kontrolli në formën e pyetësorit që duhet t'i jepet kandidatëve; kështu mund të bëjmë krahasime të të dhënave homogjene. Pasi është bërë zgjedhja ekipi duhet të përgatitet për personin e ri që do vijë, duke i prezantuar dhe duke ndjekur futjen e personit në punë. Sidoqoftë ekzistojnë protokollë sjelljeje sesi duhet menaxhuar një intervistë për marrjen në punë ose sesi mund t'i delegohet kjo detyrë një kompanie të specializuar në përzgjedhjen e personelit. Përpara punësimit bëhet gjithmonë prova "në fushë".
2) Ndërhyrjet e padobishme
Është e nevojshme që të riorganizohet zyra dhe desktop - i i kompjuterit duke eliminuar dokumentat dhe objektet reale dhe virtuale që nuk përdoren prej kohësh. Pra i kushtohet vëmendje burimeve njerëzore, pasurisë më të madhe që kemi. Disa nga ne nuk kanë patur të bëjnë në personelin e tyre me persona "problematik" që kanë situata të vështira familjare dhe ekonomike; që bëjnë shumë mungesa dhe që hedhin një ngarkesë negative mbi performancat e kolegëve.
Me shumë aftësi udhëheqjeje problemi duhet trajtuar duke u përpjekur të zbutet efekti negativ që ka mbi grupin e punës ose nëse nevojitet duke e larguar elementin shqetësues.
3) Negativiteti
"Nuk e kam parë kurrë më parë; nuk e kam bërë kurrë më parë; dyshoj se do të funksionojë; nuk jam i sigurt nëse është mjeti i duhur." Pohime këto që nuk duam t'i dëgjojmë nga personeli ynë sepse largojnë pacientët dhe kanë si tendencë të përhapen te grupi. Mbi të gjitha është e nevojshme të pyetet nëse i kemi ushqyer vetë ne. Mungesa e optimizmit është një "bimë e keqe" që duhet të shkulet nga ambienti i punës, sepse përhapet me shpejtësi. Të qenit negativ është një "zgjedhje e jona" që favorizon rezultate financiare negative!

Nën kujdesin e: Davis Cussotto, stomatolog

Përktheu: Valbona Spahia