Qumështi si ushqim funksional: biopeptidet dhe parandalimi i kariesit. Një projekt italian synon të krijojë një produkt të ri për parandalimin

Kariesi është patologjia orale me përhapje më të madhe me kalimin e moshës dhe fëmijët duhet të konsiderohen në rrezik për kariesin. Është një sëmundje multifaktoriale, edhe pse prania e baktereve kariogjene në biofilmin bakterial është një element themelor për etiopatogjenezën. Streptococcus mutans, nuk është lloji dominues por në të vërtetë ekziston një komunitet kompleks bakterial.
Faktorët etiologjik që kontribuojnë në zhvillimin e kariesit janë të shumtë: biofilmi, dieta, koha, gjendja socio - ekonomike.

Aplikimi i masave parandaluese është i nevojshëm për të reduktuar rrezikun e lezioneve të reja dhe për të ndaluar përparimin e lezioneve në fazën fillestare, duke zhvilluar strategjitë inovative të parandalimit midis të cilave një instruksion të saktë të higjienës orale dhe ushqimore.
Sot më shumë se kurrë ushqimet vlerësohen në veçanti për vetitë ushqyese të disa përbërësve që karakterizojnë funksionalitetin e vetë ushqimit. Në këtë fushë lidhen kazeinë fosfopeptidet (CPP) që e kanë origjinën nga hidroliza e proteinave të qumështit, in vivo, gjatë tretjes dhe in vitro me enzima proteolitike me origjinë mikrobike dhe gjatë prodhimit të djathit ose qumështit të fermentuar. CPP - të kundërveprojnë me efektin demineralizues të lëshimit të kalciumit nga smalti dentar, në vijim nga ulja e pH duke stabilizuar fosfatin e kalciumit amorf (ACP) në solucion, nëpërmjet formimit të komplekseve CPP-ACP. Komplekset CPP-ACP rritin në mënyrë të konsiderueshme disponibilitetin e kalciumit te pllaka dentare, duke mbajtur një gjendje mbingopjeje që ndalon demineralizimin dhe në të njëjtën kohë favorizon rimineralizimin e smaltit dentar.

Janë zgjedhur shtame probiotikësh të aftë për t'u kolonizuar në zgavrën e gojës dhe për të kundërvepruar biofilmin kariogjen për të zhvilluar një produkt qumësht-kazeinë i këndshëm për fëmijët si mjet i administrimit të probiotikëve të zgjedhur. Shtypja e shtameve dhe studimi i karaktereve të probiocitetit duke ndjekur udhëzimet e Ministrisë së Shëndetësisë që i përkasin zgjedhjes së probiotikëve ka lejuar identifikimin e disa shtameve të aftë për kolonizimin e zgavrës orale. Identifikimin e ndjekin prova in vitro të shtameve me qëllim që të provohen karakteristikat e probiocitetit. Pra duke përdorur terrene të kulturës ad hoc, shtamet e identifikuara i janë nënshtruar provave fenotipike për të vlerësuar aftësinë adezive dhe frenuese në krahasim me biofilmin kariogjen. Shtamet e zgjedhura do t'i shtohen, pra, produkteve qumësht-kazeinë.

Këto produkte që normalisht propozohen për fëmijët qoftë në kopshte qoftë në shtëpi do të përdoren si mjet administrimi të probiotikëve. Një fazë e dytë e projektit do të jetë vlefshmëria e produktit nëpërmjet një gjykimi klinik në mënyrë rastësore statistikisht i rëndësishëm mbi një kampion të fëmijëve.

Përktheu: Valbona Spahia