Shtyhet Provimi i Shtetit

Ndonëse vetëm disa ditë më parë Agjencia Kombëtare e Provimeve publikoi datat për organizimin e Provimit të Shtetit për mjekët, farmacistët dhe stomatologët, të parashikuar mes datave 17 dhe 23 dhjetor, një urdhër i përbashkët i Ministrisë së Shëndetësisë dhe Ministrisë së Arsimit e Sportit, ka vendosur për shtyrjen e tij për në fund të muajit janar 2016.

Në njoftimin e AKP-së, shtyrja e datave të provimit motivohet me Urdhrin nr. 467 të lëshuar nga të dyja ministritë, i cili parashikon kryerjen e verifikimeve mbi procedurat e zhvillimit të provimit.

Bashkë me tri kategoritë e sipërpërmendura, Provimin e Shtetit në fund të muajit janar do ta japin edhe infermierët, mamitë, fizioterapistët, logopedistët, imazheristët dhe teknikët e laboratorit. 

Për të votuar duhet të vendosni kredencialet tuaja në Medikey

Interesant ( 60 votim / mesatar 3 )