Provimi i Shtetit për stomatologët, publikohen datat

Stomatologët e rinj do të japin Provimin e Shtetit më datat 17, 18 dhe 19 dhjetor 2015, pranë godinës së Agjencisë Kombëtare të Provimeve (kliko këtu për të parë oraret). Kjo agjenci ka bërë me dije rregullat që duhet të kenë parasysh pjesëmarrësit në provim, të cilat janë si më poshtë:

1. Të paraqiten 30 minuta para fillimit të provimit
2. Të kenë me vete kartë identiteti ose pasaportë
3. Të kenë me vete faturën e pagesës së tarifës për Provimin e Shtetit për llogari të AKP-së sipas herës së pjesëmarrjes në provim
4. Në rast ndryshimi të mbiemrit, kandidati duhet të paraqesë certifikatën që vërteton këtë ndryshim.

Në njoftimin e AKP-së thuhet gjithashtu se kandidatët që nuk e gjejnë veten në listën e pjesëmarrësve në provim ose në rast pasaktësie, të kontaktojnë në adresën provimshteti@outlook.com para nisjes së provimit.
Agjencia Kombëtare e Provimeve ka vënë në dispozicion të kandidatëve edhe programin orientues për provimin, kliko këtu për ta shfletuar.