Rritja e përdorimit të teknologjisë dixhitale prek edhe protezat totale dhe pajisje të tjera. 6 shkaqet sipas ekspertit amerikan që nxitin rritjen

Kanë kaluar 30 vjet qëkur Francois Duret zhvilloi sistemin e parë Cad Cam për stomatologjinë; sot dentistët që përdorin këtë teknologji janë gjithnjë e më shumë.
Po realizohet një migrim i të gjithë sektorëve të punimeve tradicionale me dorë drejt Cad Cam që dëshmon të jetë gjithnjë e më i parashikueshëm, i kujdesshëm dhe më pak i kushtueshëm në krahasim me procedurat tradicionale.

Ai që e ka shkruar në një portal dentar amerikan ishte Rich Motto Krijuesi i CadBlu (ndërmarrje e sektorit Cad Cam që operon në sektorë të ndryshëm).
Ja cilat janë gjashtë shkaqet që nxitin rritjen e stomatologjisë dixhitale sipas Motto - s:
1) Përhapja e franchising dentar në të cilin studimi mbështetës i delegon kompetencat administrative dhe menaxhuese të një shërbimi. Sot mbulojnë 7% të tregut të Amerikës por presim një rritje të fortë. Dentistët pjesëmarrës janë shpesh në përdorimin e parë dhe i përdorin gjerësisht teknologjitë Cad Cam.
2) Hapja progresive e sistemeve informative nga ana e ndërmarrjeve të sektorit që ngadalë liron sistemin e protezave. Kjo i lejon laboratorëve të teknikëve të dhëmbëve të zgjedhin lirshëm materialin më të mirë për të përdorur.
3) Kërkimi i materialeve të reja që tërheq investime të konsiderueshme të ndërmarrjeve. Në gusht Dentca ka marrë aprovimin nga FDI për materialin e parë për proteza totale të stampuara në 3D. Kjo ndërmarrje është në gjendje t'i dorëzojë dentistit dy proteza totale brenda 4 ditësh nga marrja e masës me polyvinyl siloxane.
4) Nxitja për një personalizim të punimeve të bëra me dorë: mbrojtëse dhëmbësh për sportistët, proteza që mbrojnë dhëmbët nga bruksizmi për tu vendosur gjatë natës, mjete kundër gërhitjes dhe në ditët e sotme edhe briketat ortodontike mund të projektohen dhe realizohen në bazë të lakimit të dhëmbit ku do të vendosen. Ky është një lehtësim i madh për ortodontinë linguale, ku është e rëndësishme fshehja e briketës.
5) Përdorimi i dixhitalit lejon dentistin e përgjithshëm të bëjë diçka më shumë: futjen e implanteve në kirurgjinë e drejtuar ose një terapi ortodontike me vijëzues transparent.
6) Gjithnjë e më shumë profesionistë përshtatin skanimet dixhitale: me skanerin intraoral ose me pankinën mund të realizojnë restaurime, drejtime kirurgjike të protezave dhe çdo ditë diçka më shumë.

Nën kujdesin e: Davis Cussotto, stomatolog

Përktheu: Valbona Spahia