Sa dhe si kanë ndryshuar dhe kushtëzuar botën stomatologjike rrjetet sociale

Lara Figini

Bota e rrjeteve sociale e ka ndryshuar rrënjësisht formimin stomatologjik, ka patur një impakt të rëndësishëm te personeli dhe te marrëdhëniet midis profesionistëve, te raporti midis pacientit dhe profesionistit, duke përfshirë vetë mënyrën e të punuarit. Në një artikull, të publikuar te Journal of Dental Education në nëntor 2015 ekzaminohet me detaje sesi bota e rrjeteve sociale ka ndryshuar formimin stomatologjik dhe jo vetëm.

Rrjetet sociale përcaktohen si "Një grup aplikacionesh të bazuara tek Interneti që ndërtohen mbi bazat ideologjike dhe teknologjike të Web 2.0, që lejojnë krijimin dhe shkëmbimin e përmbajtjes."
Rrjetet sociale janë klasifikuar në pesë grupe:
1) Projektet e bashkëpunimit si Wikipedia,
2) Blog -ët dhe mikroblog -ët si Twitter,
3) Komunitetet e përmbajtjeve si YouTube,
4) Sitet e rrjeteve sociale si Facebook,
5) Loja virtuale ose bota sociale si Second Life.
Në këtë artikull renditen avantazhet dhe disavantazhet e rrjeteve sociale dhe niveli stomatologjik.

Avantazhet e rrjeteve sociale në fushën stomatologjike:

- Avantazhet që lidhen me formimin stomatologjik:
Mjete të ndryshme të rrjeteve sociale kanë treguar se janë të dobishëm për qëllime didaktike. Për shembull, studentët mund të rikuperojnë lehtësisht edhe nga shtëpia shënime ose leksionet nga Web - i, artikujt shkencor, dokumentet dhe videot në YouTube. Përveç kësaj rrjetet sociale lejojnë pedagogët (për shembull nëpërmjet Twitter ose rrjeteve të tjera) të përfshijnë klasa të mëdha dhe të kërkojnë feedback nga studentët. Ekzistojnë prova se kjo praktikë mund të sjellë një përmirësim në lidhje me metodat e të mësuarit tradicional; për shembull në një punim të Junco 2011 vërehet sesi studentët që kanë përdorur Twitter si shkëmbim lajmesh dhe konsideratash me qëllim të një kursi për axhornim për mjekët kanë arritur nota më të larta se ato që nuk kishin marrë pjesë. Pastaj ekzistojnë mjete për formimin stomatologjik si MedEd-PORTAL dhe aplikacione që i lejojnë studentëve të krijojnë dhe të shpërndajnë pyetje për vetëvlerësim. Rrjetet sociale mund edhe të përdoren për të informuar dhe rekrutuar pacientët, jo vetëm për trajtimin klinik, por për studimet on - line dhe për eksperimentimet klinike. Përveç kësaj studenti mund të kryejë kërkime nëpërmjet fjalëve kyçe në portale të ndryshme për të mbajtur materiale mbi argumentët që i interesojnë dhe nëpërmjet sistemit Alert mund të marrë lehtësisht axhornimet e kërkimeve të kryera.

- Avantazhet për pacientët:
Falë rrjeteve sociale pacientët mund të marrin lehtësisht informacione mbi materialet dhe teknikat e përdorura në fushën stomatologjike, të kenë shkëmbime me pacientët e tjerë ose mjekët për të mundur që të heqin dyshimet ose konfuzionet për trajtimet që duhet të kryejnë ose janë duke kryer. Ekzistojnë disa site ku pacientët mund të shprehin mendimet e tyre mbi materiale të caktuara ose metodika dhe të sjellin eksperiencat e tyre duke i dhënë informacione të dobishme edhe prodhuesve për të përmirësuar produktet e tyre. Disavantazhi i vetëm i kësaj tendence është dëmi i mundshëm që bëhet nga deklarime për pakënaqësi, ose nga pacientë të pandershëm.

- Avantazhet në termat e publicitetit dhe marketingut:
Është lehtësisht e kuptueshme sesi falë rrjeteve sociale janë më të shpejta dhe të lehta operacionet e publicitetit dhe marketingut të një klinike stomatologjike dhe që falë rrjeteve sociale dentistët mund edhe "të edukojnë dhe të informojnë pacientët e tyre."

- Avantazhet si tejkalimi i izolimit profesional:
Rrjetet sociale ofrojnë Club - e të klinikave virtuale, formimi në vazhdim (CE), video në YouTube, forum dhe blog që mund t'i japin profesionistëve mundësinë për t'u lidhur me specialistë edhe në sektorë të tjerë që mund të ofrojnë këshilla që lidhen me rastet klinike dhe procedurat. Por krahas avantazheve të renditura më sipër për fat të keq rrjetet sociale mund të paraqesin kërcënime të reja për profesionalitetin, si për shembull probleme të komunikimit të keq, rikuperim i informacioneve dhe lajmeve shpesh të gabuara, të pasakta ose në mënyrë etike të gabuara, kufij të dhunuar.

Diavantazhet e rrjeteve sociale ne fushën stomatologjike:

- Kufizim dhe nevojë për më shumë vëmendje për aktivitetet personale online të profesionistëve të shëndetit
Disa pohojnë se profesionistët e shëndetit duhet të mos përdorin rrjetet sociale për përdorim personal për shkak të vështirësisë së kufizimit nga përdorimi profesional; ndoshta kjo mund të jetë e tepërt por sigurisht i përgjigjet një kujdes dhe vëmendje më e madhe përdorimit të tyre personal. Në linjë me kodin e sjelljes ADA, nga një anë profesionistët e shëndetit duhet të jenë të ndërgjegjshëm që "pacientët e tyre dhe publiku duhet të shohin para së gjithash si profesionistë", nga ana tjetër edhe qartësisht të drejtën për "jetë private dhe marrëdhënie në të cilat mund të shprehen lirisht".

- Mbajtja e profesionalitetit dhe kufijve
Mbajtja e kufijve profesional sigurisht rezultonte më e lehtë në të shkuarën. Për fat të keq ndarja është e vështirë për t'u arrirë me rrjetet sociale sepse nuk i ndajnë në mënyrë të qartë informacionet private nga ato publike. Rrjetet sociale mund t'i lejojnë pacientëve të kenë akses në disa informacione private, që nuk i përkasin vetëm rrethit profesional, për shembull provider-i i politikës, përkatësitë fetare, interesat personale dhe detaje mbi familjen dhe financat, të cilat mund të ndryshojnë natyrën e raportit dhe të ndikojnë negativisht ndërveprimet midis stomatologut dhe pacienti, kolegëve dhe furnizuesve. Përveç kësaj, stomatologët mund të mësojnë pa dashje nëpërmjet rrjeteve sociale informacione për pacientët që vetë ato nuk jua kanë thënë atyre dhe që nuk duan që t'i mësojnë. E njëjta gjë mund të vlejë edhe për studentët dhe profesorët/tutorët/mësuesit.

- Marrja nga ana e pacientëve e informacioneve të pasakta ose të gabuara dhe jo favorizuese
Rrjetet sociale mund të gjenerojnë lehtësisht probleme të komunikimit të keq, rikuperim të informacioneve dhe lajme shpesh të gabuara, të pasakta ose jo etike, kufij të dhunuar, me rezultat për të krijuar një konfuzion më të madh, ankth dhe frikë te pacienti.

Nën kujdesin e: Lara Figini, Koordinatore Shkencore e Odontoiatria33

Bibliografia:

- Junco R, Heiberger G, Loken E. The effect of Twitter on college student engagement and grades. J Comput Assist Learn 2011;27(2):119-32.
- Social Media in the Dental School Environment, Part A: Benefits, Challenges, and Recommendations for Use Heiko Spallek, Sharon P. Turner,; Evelyn Donate- Bartfield,; David Chambers,; Maureen McAndrew,; Pamela Zarkowski,; Nadeem Karimbux ; ,Journal of Dental Education Volume 79, Number 10

Përktheu: Valbona Spahia