Këshillat mbi përdorimin e Facebook nga babai (dentist) i krijuesit të website

Jo të gjithë e dinë që babai i Mark Zuckerberg, krijuesi i Facebook, është një dentist; pra nëse i biri konsiderohet babai i rrjetit social më të famshëm ai duhet të ishte "gjyshi".

Dr. Edwuard Zuckerberg prej kohësh ka përqafuar teknologjitë e reja, të paktën kështu është thënë në një nga kongreset e American Dental Association.
Në vitin 1981, ka treguar dr. Zuckerberg, ka paguar një furnitor me një nga shërbimet e tij të para të pagesave on line që sapo kishte dalë në treg si mundësi dhe nuk është mërzitur aspak edhe pse për të kryer veprimin i është dashur të qëndrojë një orë përpara monitorit me katoda, sepse e dinte që po jetonte një ndryshim epokal.

Zuckerberg ka ilustruar të dhënat e një sondazhi të Pew Research Center Internet & American Life Project në 2012 duke vënë re që 67% të Amerikanëve të rritur përdor Facebook, 16% Twitter, 15% Pinterest, 13% Instagram. Përdoruesit e Facebook shpenzojnë mesatarisht 30 minuta në ditë në këtë rrjet social dhe kanë mesatarisht 300 "shokë".

Nuk është e mundur të mbetemi pas, i ka thënë Zuckerberg kolegëve në fjalimin e tij. Shqetësimi kryesor që disa profesionistë kanë në të qenit të pranishëm në rrjetet sociale me një faqe që i dedikohet klinikës është sesi të menaxhojnë komentet negative. Nuk duhet të harrojmë që është e mundur të fshihet komenti negativ, - ka theksuar doktori duke specifikuar që ankesa e shprehur në publik nëse menaxhohet mirë mund të kthehet në një mundësi.

"Një herë më ka ndodhur që një pacient është ankuar në Facebook se ka pritur shumë" - ka shpjeguar - "dhe i jemi përgjigjur duke i kërkuar ndjesë dhe duke i kujtuar se ishim duke kryer një riimplantim të një dhëmbi te një fëmijë 10 vjeç që kishte pësuar një shkëputje traumatike, ndërhyrje që kërkon "kohë të ndjeshme" (Time sensitive) dhe nuk mund të ndërpritet."

Përgjigjia, ka informuar dr. Zuckerberg, ka shkaktuar një mori me vlerësime nga ana e shumë personave dhe komentuesi i parë është përgjigjur në mënyrë pozitive pas shpjegimit. Zuckerberg, ka ofruar disa këshilla për një komunikim efikas në rrjetet sociale duke treguar se cilët faktorë kanë më shumë ndërveprime:
1) Përdor shumë fotografitë, ka më shumë ndërveprim se teksti;
2) Mesazhe të shkurtra, për tekste të gjata përdor blog - un dhe postoji më pas në rrjetet sociale;
3) E enjtja, e premtja dhe e diela janë ditët që kanë më shumë ndërveprime;
4) Shmang pyetjet, mund të kenë shumë komente por do të marrin pak "like".
5) Mos e përjeto rrjetin social si një vend ku dikush mund të japë komente negative për klinikën tënde, mendoje si një mjet të thjeshtë ekonomik dhe shumë efikas për të komunikuar me pacientët e tu.

Nën kujdesin e: Davis Cussotto, stomatolog

Përktheu: Valbona Spahia