Laseri stomatologjik, duhen shfrytëzuar fuqitë e tij. Nga Amerika vijnë katër arsye se përse duhet përdorur

Laseri është një mjet i përdorur në fusha të shumta teknologjike që po bëhet protagonist edhe në sektorin stomatologjik. Por ende jo mjaftueshëm sipas Michael Cataldo, studiues në SHBA, që në revistën Dentistry iQ e përkufizon "një teknologji në kërkim të një problemi që duhet zgjidhur."
"E ardhmja është tani" - thotë Cataldo dhe laseri në klinikën dentare mund të gjejë hapësira më të mëdha përdorimi duke ofruar avantazhe të rëndësishme te pacientët dhe profesionistët.
Laseri (Light Amplification by Stimulated Emission of Radiation) e ka origjinën e tij teorike nga Ajnshtajni në fillim të viteve 900. Është një pajisje që lëshon një fashë drite monokromatike me fuqi të ndryshueshme që përdoret në mjekësi nga 1960. Kategoritë e laserit me përdorim stomatologjik janë 5 në bazë të burimit të daljes: CO2, Erbium, Neodymium, YAG dhe diodë.
Çdo pajisje prodhon një fashë të caktuar drite në një gjatësi vale të caktuar që ka tregues terapeutik shumë të saktë.
Avantazhet që na ofron sot laseri në klinikën dentare janë kryesisht katër:
1) Efikasitet më të madh klinik
Kur treguesit klinik e lejojnë, të përdorësh laserin që prodhon një prerje të indeve me avullim në vend të përdorimit të bisturive do të thotë:
A) Të reduktosh dozën e anestezisë (pacienti nuk ka mpirje të pjesëve muskulore dhe efekte negative pas anestezisë, si rreziku se mos kafshon faqen ose gjuhën)
B) Të reduktosh kohëzgjatjen e ndërhyrjes dhe kohën e shërimit.
C) Të reduktosh gjakosjen që lejon shpesh të kryhet faza terapeutike pasuese, mund të bëjmë për shembull një zgjatje të kurorës dhe build - up të kariesit të zgjeruar në të njëjtën seancë. Kjo gjeneron avantazhe të mëdha për pacientin që do të ketë nevojë për një takim më pak.

2) Përmirëson eksperiencën e pacientit
Një sondazh i fundit në SBA ka zbuluar se një e treta e amerikanëve që kanë, nuk kanë shkuar te dentisti 12 muajt e fundit dhe e kanë bërë për një farë shtytjeje epidemike ndaj zhurmave, erërave dhe ndjesive në përgjithësi që shkaktojnë frikë. Laseri, me siguri kontribuon për të eliminuar këto stimuj negativë dhe që të rritë besimin e pacientit ndaj dentistit.

3) Përmirëson shërbimet e ekipit
Nëse pacienti është i terrorizuar është më e vështirë të veprosh në mënyrë efikase. Laseri ndihmon për të krijuar një ambient pune më të qetë me avantazhe për ekipin që do të japë maksimumin e tij dhe për pacientin që nëse është i kënaqur përhap fjalë.

4) Rezultate klinike më të mira
Frenulum - i te fëmijët, heqja e një epulisi janë ndërhyrje rutinë që realizohen më shpejt pa dhimbje dhe pa gjakosje në krahasim me terapitë tradicionale me bisturi. Nuk duhet të harrojmë rolin biostimulues dhe bakteriostatik në xhepat e gingivave për trajtimin e sëmundjes parodontale.

Nën kujdesin e: Davis Cussotto, stomatolog

Përktheu: Valbona Spahia