Shitja e klinikës në fund të aktivitetit personal, më mirë të mendohet kohë më parë. 7 këshilla nga ekspertët

Shitja e një klinike dentare është një proces që mund të kushtëzojë sigurinë financiare të një dentisti që është afër pensionit. Transaksioni komercial planifikohet me detaje. Roger Levine, dentist dhe konsulent ndërmarrjeje amerikane , nga faqet e një website të njohur amerikan që i dedikohet sektorit dentar, përshkruan 7 hapa për të përballuar kalimin e pronësisë më mënyrë sa më fitimprurëse të jetë e mundur.
1) Llogarit objektivat financiar për moshën e pensionit:
Nuk është kurrë shpejt për të krijuar një plan që vlerëson burimet financiare në pension. Të nxitet mosha e mundshme për largimin nga puna dhe një hipotezë mbi çmimin e shitjes së klinikës (target).
2) Fillo të punosh për të arritur vlerën e target - it tre ose pesë vite më përpara.
Tre nga katër dentistë kanë parë të ngecë vlera e tregut të klinikave të tyre përpara shitjes. Është e gabuar të reduktohen nivelet e prodhimit përpara shitjes.
3) Faturimi i klinikës tre vitet e fundit të punës duhet të jetë i gjurmueshëm.
Nëse arrin një marrëveshje me blerësin e mundshëm dhe emëron një ndërmjetësues të besuar, ky i fundit do të dojë të shikojë faturimin e klinikës në vitet e fundit.
4) Rregullo klinikën sipas standardeve të kujdesit dhe të cilësisë së tregut.
Nëse nuk e ke rinovuar vitet e fundit është momenti që ta bësh për t'i dhënë vlerë strukturës që po shet dhe për të arritur target - in e fiksuar.
5) Zgjidh sistemin e shitjes, ke tre mundësi: bëj gjithçka vetëm; gjej blerësin dhe besoji më pas një ndërmjetësuesi për transaksionin; besoji menjëherë një profesionisti që të ndjek nga fillimi deri në fund dhe ky është një opsion i këshilluar nga Levine.
6) Përdor një ekspert të aftë: për të llogaritur me saktësi vlerën e aktivitetit. Kini parasysh që vlerësimi jo domosdoshmërisht përkon me çmimin e shitjes.
7) Përfshi avokatin e besuar: merre me vete gjatë bisedimeve në mënyrë që të kujdeset për interesat e tu.

Aksionet janë shumë të larta, të programohesh dhe të organizohesh prej kohësh bën ndryshimin.

Nën kujdesin e: Davis Cussotto, stomatolog

Përktheu: Valbona Spahia