Nga OBSH - ja rekomandimet për të reduktuar marrjen e sheqerit në dietën e përditshme. Udhëzimet dhe propozimet

Së fundmi, roli i sheqerit në procesin e kariesit ka patur mjaft vëmendje. Një artikull i publikuar në Journal of Dental Research në tetor 2015 flet pikërisht për këtë problematikë.

Lara Figini

Miliona dollarë çdo vit shkojnë për kërkimin me objektivin për të përmirësuar shëndetin e popullsisë.
Pavarësisht kësaj, shpesh ndodh që shumë politika shëndetësore në veprim nuk janë në një drejtim me kërkimin dhe të dhënat e ofruara nga ai.
Një nga shembujt më të mëdhenj të përkthimit të suksesit të kërkimeve shkencore në politikën shëndetësore, me qëllim përmirësimin e shëndetit të popullsisë është paraqitur nga fluorizimi i ujit të pijshëm.

Siç thekson American Dental Association 2005 në komunitetet ku janë vendosur programet e fluorizimit të ujërave të pijshëm, normat e kariesit të dhëmbëve janë ulur ndjeshëm.
Së fundmi, roli i sheqerit në procesin e kariesit ka patur mjaft vëmendje. Një artikull i publikuar në Journal of Dental Research në tetor 2015 flet pikërisht për këtë problematikë. Të dhënat në kërkim kanë vendosur gjerësisht lidhjen midis marrjes së sheqernave në dietë dhe zhvillimin e kariesit të dhëmbëve, por ajo që mbetet për t'u parë është sesi rezultatet mund të përkthehen në politika shëndetësore për të reduktuar marrjen e sheqerit. Në një rishikim sistemik të autorizuar nga OBSH, Moynihan dhe Kelly (2014) kanë zbuluar se sidomos te fëmijët, norma e kariesit të dhëmbëve duket se është më e madhe tek invididët që me zakonet e tyre të të ushqyerit marrin më shumë se 10% sheqer në krahasim me individët që marrin më pak se 10% sheqer nga kaloritë ditore të marra. Sheiham dhe James (2015) mbështesin se marrja e sheqernave është një faktor kryesor dhe i nevojshëm për të vendosur procesin e kariesit, duke theksuar efektin grumbullues të konsumit të sheqerit gjatë jetës.

Udhëzimet e publikimit të fundit të vendosura nga OBSH (2015) kërkojnë marrjen e kufizuar të sheqerit, në bazë të elementëve provë të lidhur me faktin se marrja e sheqerit me tepricë në dietën e përditshme sjell rrisqe më të mëdha të SËMUNDJEVE të patransmetueshme si shtimi në peshë në mënyrë të pashëndetshme dhe kariesi i dhëmbëve.

Në mënyrë të përmbledhur udhëzimet e reja nga OBSH janë:
1) Një rekomandim i fortë për të reduktuar marrjen e sheqerit gjatë jetës,
2) Një rekomandim i fortë për të kufizuar marrjen e dozave ditore të sheqerit nën 10% të kalorive totale të konsumuara,
3) Një rekomandim të kushtëzuar për të reduktuar marrjen e sheqerit më pak se 5% të konsumit total të kalorive.

Këto udhëzime sigurisht nuk aplikohen nga individët që kanë nevojë për dieta specifike terapeutike.
Marrja e sheqernave me tepricë lidhet ngushtë me një rritje të fillimit të kariesit të dhëmbëve. Bëhet e nevojshme pra vendosja e manovrave politikave për të prodhuar ndryshimin e sjelljes ushqimore të qytetarit, gjë që në analizën e fundit duhet të sjellë rezultate më të mira për shëndetin oral. Duke ecur përpara, studiuesit mund të fillojnë të zbulojnë çelësat e sjelljeve të nevojshme për zbatimin efikas të politikave shëndetësore.

Nën kujdesin e: Lara Figini, Koordinatore Shkencore e Odontoiatria33

Përktheu: Valbona Spahia

Bibliografia:
- Moynihan PJ, Kelly SM. 2014. Effect on caries of restricting sugars intake:systematic review to inform WHO guidelines. J Dent Res. 93(1):8-18. Newbrun E. 1989. Effectiveness of water fluoridation. J Public Health Dent.
- Sheiham A, James WP. 2015. Diet and dental caries: the pivotal role of free sugars reemphasized. J Dent Res. 94(10):1341-1347.
- The Confluence of Sugar,Dental Caries, and Health Policy B.D. Meyer and J.Y. Lee Journal of Dental Research ottobre 2015, Vol. 94(10) 1338-1340