18 kredite për Kongresin e katërt Mbarëshqiptar të Stomatologjisë

Stomatologët që ende nuk janë regjistruar për të marrë pjesë në “Kongresin e 4 Mbarëshqiptar të Stomatologjisë” kanë edhe dy ditë kohë përpara mbylljes së afatit përfundimtar më 30 tetor.

Stomatologët që ende nuk janë regjistruar për të marrë pjesë në "Kongresin e 4 Mbarëshqiptar të Stomatologjisë" kanë edhe dy ditë kohë përpara mbylljes së afatit përfundimtar më 30 tetor. Së fundi Qendra Kombëtare e Edukimit në Vazhdim ka konfirmuar edhe numrin e krediteve për eventin më të madh të stomatologjisë në vend që do të mbahet në datat 5,6 dhe 7 nëntor 2015. Do të jenë 18 të tilla, duke pasur parasysh se aktiviteti ka një shtrirje tre ditore dhe pritet të ketë një larmi të të gjitha tematikave me mbi 90 prezantime, ndër të cilat leksione, prezantime orale të shkurtra dhe work shop-e.

Detaje të tjera për regjistrim:
Tarifa e regjistrimit është 50 euro për mjekët të cilët janë anëtarë të Shoqatës Dentare Shqiptare, Shoqatës së Ortodontëve të Shqipërisë dhe Shoqatës Shqiptare së Dentistrisë Pediatrike (SHSHDP). Ndërsa për mjekët e tjerë stomatologë Shqipëri, Kosovë, Maqedoni etj., është 60 euro.
Mandati i pagesës duhet të specifikohet me emërtimin "Regjistrim në Kongres", si dhe të ketë emrin, mbiemrin e personit që regjistrohet. (Klikoni për më shumë informacion).
Ditën e Kongresit pjesëmarrësit duhet të paraqiten personalisht me një mjet identifikimi dhe me faturën e bankës për të konfirmuar prezencën e tyre. Në njoftimin e SHDSH-së nënvizohet se mjekët që nuk marrin pjesë në aktivitet, nuk do t'iu dërgohet emri pranë QKEV-së për kredite dhe pagesa nuk kthehet.