Doktor, sa do të më zgjasë kurora e dhëmbit? Si t'i përgjigjemi pyetjeve të tilla nga ana e pacientit, këshillat nga eksperti

Pyetja lë shpesh të nënkuptohet “kurora që më ka kushtuar .... Lekë”. Përgjigja duhet të jetë e qartë dhe e menjëhershme, duke parë pacientin në sy dhe duke buzëqeshur, që fillon me një elozh “pyetje e bukur!”

Pyetja lë shpesh të nënkuptohet "kurora që më ka kushtuar .... Lekë". Përgjigja duhet të jetë e qartë dhe e menjëhershme, duke parë pacientin në sy dhe duke buzëqeshur, që fillon me një elozh "pyetje e bukur!"

Më pas futemi në brendësi të çështjes "zakonisht një kurorë ndërrohet çdo pesë vjet, por ne presim që të zgjasë më shumë. Sigurisht janë faktorë të ndryshëm që duhet të kontrollojmë: bruksizmi domethënë forcat që dhëmbi dhe kurora marrin gjatë natës nga lëvizjet e pavullnetshme ose gjatë ditës në momentet e tensionit dhe më pas flora bakteriale e gojës që ndryshon nga një person në tjetrin. Mund të betohem se nëse e mban mirë dhe e lan çdo natë me furçë e më pas përdor fillin dentar kurora do të zgjasë shumë më shumë. Kam parë kurora si kjo që kanë zgjatur edhe 10 vjet. Ka probabilitet që kurora të mbijetojë tek të gjithë ne por kemi të bëjmë me trupin e njeriut dhe është e pamundur të bëjmë parashikime."

Këtë dialog të shkurtër e kemi marrë nga Richard dhe David Madow dy kolegë Amerikanë që shkruajnë në një website amerikan për stomatologjinë. Përmbajtjen e përgjigjes mund ta personalizoni por e rëndësishme është të edukoni të gjithë ekipin me një tekst të shkruar në mënyrë që të përgjigjeni të gjithë njësoj. Shpesh pacienti i bën pyetje doktorit e më pas higjenistit ose asistentes në poltron: të ofrosh përgjigje kontradiktore është e dëmshme.

Pyetjet që bën pacienti janë shpesh të njëjta: "pse duhet të bëj terapinë parodontale dhe jo pastrimin e thjeshtë të dhëmbëve"; ose "pse duhet të vë kurorë dhe të mos bëj një mbushje të thjeshtë."
Një dokument me disa rreshta që shpërndahet në mënyrë periodike gjatë mbledhjeve të ekipit mund të bëjë diferencën. Në ditën tonë të punës duhet të veshim rroba të ndryshme, ajo e komunikimit është e rëndësishëm për suksesin terapeutik dhe financiar të klinikës.

Nën kujdesin e: Davis Cussotto, stomatolog

Përktheu: Valbona Spahia