Ja pagesat që stomatologët dhe ndihmës-stomatologët duhet të kryejnë pranë USSH

Ndërsa një pjesë e stomatologëve dhe ndihmës-stomatologëve janë ende të paqartë për vendndodhjen dhe praktikat që duhet të ndjekin për të qenë pjesë e këtij enti, në faqen e tij zyrtare (http://ussh.org.al/) sqarohen të gjitha procedurat që duhet të ndjekin të interesuarit për licencimin dhe rilice

Ndërsa një pjesë e stomatologëve dhe ndihmës-stomatologëve janë ende të paqartë për vendndodhjen dhe praktikat që duhet të ndjekin për të qenë pjesë e këtij enti, në faqen e tij zyrtare (http://ussh.org.al/) sqarohen të gjitha procedurat që duhet të ndjekin të interesuarit për licencimin dhe rilicencimin, për praktikën profesionale si dhe kuotizacionet e anëtarësimit në Urdhër.

Kështu për këto të fundit, në njoftimin në faqen zyrtare të Urdhrit të Stomatologëve thuhet se "kuotizacioni mujor për anëtarët është i detyrueshëm. Masa e kuotizacionit përcaktohet me vendim të Këshillit Kombëtar. Kur për një periudhë prej më shumë se një vit kalendarik, nuk shlyen kuotizacionet dhe nuk paraqitet arsye e justifikueshme, anëtarit i pezullohet anëtarësimi në USSH dhe licenca për ushtrimin individual të profesionit". Dhe siç është specifikuar edhe më parë, deri në maj të 2015-ës detyrimi i anëtarëve të USSH-së do të jetë 200 lekë të reja në muaj, ndërsa pas këtij muaji kuota e anëtarësisë bëhet 1000 lekë të reja në muaj.

Për të gjithë të interesuarit për çështjen e pagesave USSH i ka pasqyruar ato në një njoftim në një njoftim në faqen e tij. Për hapjen e dosjes për herë të parë profesionistit i duhet të paguajë 10.000 lekë të reja. Për licencimin dhe rilicencimin duhet të paguajë 15.000 lekë të reja. Për certifikatën e sjelljes së mirë profesionale e cila vërteton se stomatologu/ndihmës-stomatologu është i regjistruar pranë USSH, e ushtron profesionin dhe se nuk ka masa ndëshkimore ndaj tij, duhet të paguajë 20.000 lekë të reja (nëse është shqiptar) dhe 50.000 të reja (nëse është i huaj). Ndërsa për vërtetimin e lëshuar nga Urdhri i Stomatologut për efekt dokumentacioni, ai do të paguajë 1.000 lekë të reja. Të gjitha pagesat mund të kryhen në numrin e llogarisë bankare të Urdhrit të Stomatologut të cilin e gjeni në faqet e tij zyrtare.