Pacient në ankth. 5 rregullat për ta bërë të këndshme eksperiencën e tij te dentisti

Nuk është për t’u habitur që shumë pacientë ndjehen në ankth kur duhet të shkojnë te dentisti: imazhi i poltronit, hapësirat e ngushta, zhurmat e forta, gjilpërat,

Nuk është për t'u habitur që shumë pacientë ndjehen në ankth kur duhet të shkojnë te dentisti: imazhi i poltronit, hapësirat e ngushta, zhurmat e forta, gjilpërat, imazhi mediatik që lidhet me imazhin e dentistit si diçka tmerruese bëjnë që disa persona të preferojnë të durojnë dhimbjen e dhëmbit në vend që të shkojnë të vizitohen.

Joshua Perlman, dentist dhe redaktor i DrBicuspid.com rendit 5 gjëra që duhen bërë për të përmirësuar eksperiencën e pacientëve tanë:
1) Telefonata e kortezisë
Një telefonatë e shkurtër e bërë një ditë pas ndërhyrjes, ose përpara një takimi me një pacient në ankth është një eksperiencë shumë pozitive: do të zbusë tensionet dhe do t'i japë pacientit më shumë besim. Nuk është e domosdoshme që telefonatën ta kryejë dentisti; një sekretare e zonja mund ta zhvillojë në mënyrë të shkëlqyer këtë detyrë. Pastaj në ditët e sotme, teknologjia na vjen në ndihmë: një emoticon (figurinë) në WhatsApp mund të bëjë ndryshimin.
2) T'i lihen numrat e telefonit pacientit
Pas një trajtimi të vështirë është e nevojshme t'i jepen pacientit instruksionet e shkruara (për shembull, çfarë duhet të bëjë pas një ritrajtimi endodontik...). Më mirë nëse komunikimi përmbyllet me: "në rast nevoje mund të më shkruani (adresa e email - it) ose të më telefononi në (numrin e telefonit të sekretarisë së klinikës ose nëse e shohim të arsyeshme mund të japim edhe numrin personal).
3) Të dëgjohet pacienti
Është çelësi i suksesit. Duke dëgjuar shqetësimet kontribuojmë për të krijuar një eksperiencë pozitive që e bën pacientin të besojë, e qetëson dhe e transformon atë në një promotor të klinikës që do të zbatojë përhapjen e fjalës.
4) Të identifikohen pacientët në ankth
Janë pacientët që kanë nevojë për më shumë vëmendje. Kur i identifikojmë është e dobishme që të vëmë në veprim një protokoll vizite të dedikuar. Të shmanget lënia vetëm e pacientit në sallën e pritjes, më mirë nëse e mban me muhabet asistentja, kryeni telefonata ose mesazhe kortezie. Prosemika na mëson se dentisti punon në sferën intime: dora e asistentes që mbështetet mbi shpatull 30 sekonda përpara se të fusim në gojë Karpulën mund të eliminojë të gjithë fobinë ndaj anestezisë.
5) Feedback - u i pacientit
Të ruash informacione nga tregimi i pacientit për eksperiencat e mëparshme te dentisti. Ndonjëherë mund ta pyesim nëpërmjet një pyetjeje të hapur që e fton të flas dhe të hapet me ju, do t'ju mbajë mend si profesionistë të vërtetë.

Nën kujdesin e: Davis Cussotto, stomatolog

Përktheu: Valbona Spahia