Organizohet në 7 nëntor konferenca: "Infeksionet Oportuniste dhe Infeksionet tek subjektet e imunokompromentuara"

Shoqata Shqiptare e Infektivologjisë organizon në Tiranë konferencën shkencore më datë 7 nëntor 2015 me temë: “Infeksionet Oportuniste dhe Infeksionet tek subjektet e imunokompromentuara: epidemiologjia, diagnoza, mjekimi dhe parandalimi”.

Shoqata Shqiptare e Infektivologjisë organizon më datë 7 nëntor 2015, në Fakultetin e Infermierisë, konferencën shkencore me temë: "Infeksionet Oportuniste dhe Infeksionet tek subjektet e imunokompromentuara: epidemiologjia, diagnoza, mjekimi dhe parandalimi".

Tematikat:
Infeksionet oportuniste në infeksionin HIV/AIDS
Infeksionet virale, bakteriale, mykotike, parazitare në subjektet me imunitet të kompromentuar: te pacientët me kancer, te pacientët e transplantuar, te pacientët me kimioterapi, terapi imunodepresore, te pacientët me imunodeficite të lindura etj.
Infeksionet bakteriale të fituara në spital dhe ato të lidhura me kateteret intravaskulare.
Hepatitet virale të riaktivizuara.
Infeksionet në shtatzëni.
Parandalimi i infeksioneve në subjektet e imunokompromentuara.

Punimet shkencore duhet të paraqiten në formë abstraktesh (gjuha shqipe, format word, font 12 Times new roman, single space, max 300 fjale, me këtë strukturë hyrje, objektivat, metoda, rezultatet, konkluzione) brenda datës 20 Tetor 2015, pranë Komitetit organizativ dhe shkencor të konferencës në këtë adresë elektronike: harxhiarjan@yahoo.com.

Aplikuesit do të informohen nëpërmjet postës elektronike mbi vendimin e Komitetit Organizativ dhe Shkencor për pranimin e punimit për diskutim apo për paraqitjen e tij në formë posteri brenda datës 31 tetor.
Aktiviteti do të akreditohet nga QKEV.

Ju mirëpresim!
Komiteti Shkencor dhe Organizativ