Efektet negative të stresit në klinikë. 5 rregullat për ta parandaluar

Stresi në punë mund të shkaktojë efekte negative të shumta: redukton performancën profesionale, e bën ngarkesën e punës më të rëndë dhe ekziston ndjenja se orët e punës nuk janë kurrë të mjaftueshme gjatë ditës.

Stresi në punë mund të shkaktojë efekte negative të shumta: redukton performancën profesionale, e bën ngarkesën e punës më të rëndë dhe ekziston ndjenja se orët e punës nuk janë kurrë të mjaftueshme gjatë ditës. Shpërqëndrimi, frustrimi dhe depresioni përhapen duke bërë jo të frytshme raportet me anëtarët e tjerë të ekipit.
Stresi mund të sjellë dëme të rënda në shëndet si Sindroma Burnout.
Më poshtë do të rendisim 5 rregulla që duhen ndjekur për të punuar në një mjedis pune të qetë sipas Allen Crow, konsulent ndërmarrjeje dhe redaktor i DrBicuspid:
1) Rrethohu nga bashkëpunëtor të besueshëm dhe të përgjegjshëm. Nëse stafi nuk i respekton kohët e parashikuara, klinika transformohet në një vend kaotik. Aktivitetet e papërfunduara të kryera në mënyrë të gabuar janë një shkaktar i madh i stresit. Shumë kujdes pra në zgjedhjen e personelit, fillo me fazat për të identifikuar personat e duhur dhe pozitivë, përpara se të punësosh dikë.
2) Bëj çdo ditë një mbledhje me stafin për të planifikuar ditën. T'i besosh çdokujt përgjegjësitë e tij të kursen shumë kohë gjatë ditës.
3) Përdor një software të mirë drejtues që paraqet "sistemin nervor" të klinikës dhe është baza e produktivitetit. Faturat, kartela klinike, axhenda që të kujton takimet. Përfshi personelin e sekretarisë në zgjedhjen e një software drejtues, e di më mirë se dentisti që është gjithnjë i zënë duke parë gojën e pacientit se cilat janë problemet e recepsionit.
4) Mbaj gjithmonë klinikën të rregullt dhe dhomat e punës (sterilizimin, sekretarinë, magazinën). Ambienti i punës i organizuar mirë e bën personelin më efikas, e di gjithmonë se ku i gjen gjërat. Përdor etiketat pothuajse kudo te dollapët dhe sirtarët. Gjithçka do të rrjedhë normalisht dhe pa stres.
5) Fikso objektiva reale për t'u arrirë për vete dhe për ekipin. Të punosh për objektiva të thjeshta me hapa të vogla rrit motivimin për ekipin; pacienti e percepton si një shenjë të një cilësie të lartë. E gjithë kjo rrit mekanizmin e qarkullimit të fjalëve në bazë të rritjes së klinikës profesionale.

Nën kujdesin e: Davis Cussotto, stomatolog @Twitter Davis Cussotto

Përktheu: Valbona Spahia