Të parandalosh dhimbjet e gjymtyrëve dhe të përmirësosh posturën në klinikë. 10 këshilla për dentistët dhe higjenistët

Klinka dentare ergonomike favorizon karrierën e dentistit, organizimi i punës dhe postura e saktë ndihmojnë që të ruhet një integritet fizik dhe të reduktohet stresi i profesionistëve.

Klinka dentare ergonomike favorizon karrierën e dentistit, organizimi i punës dhe postura e saktë ndihmojnë që të ruhet një integritet fizik dhe të reduktohet stresi i profesionistëve. Këtë ka thënë Judy Bendit, higjeniste dentare dhe pedagoge në Temple University Konrberg School of Dentistry, në Chicago Midwinter Meeting 2015.
"Ergonomia" - thekson Bendit - "është shkenca që studion ndërveprimin midis njeriut dhe teknologjive që ai projekton me qëllim përmirësimin e kënaqësisë së përdoruesit dhe që të bëjë sistemin më efikas. Ka lindur me aviacionin ushtarak, kur ka filluar dizenjmi i komandave të aeroplanit për të favorizuar punën e pilotit."
"Në botën dentare" - vijon ajo - "është punuar shumë për të përmirësuar vendin e punës, por mbetet fakti që sipas të dhënave të kompanive të sigurimeve 70% e dentistëve që e lënë profesionin paraprakisht, e bëjnë për shkak të lezioneve musculoskeletal."
Një sondazh i fundit për higjenistët dentar ka zbuluar se 93% ka dhimbje të gjymtyrëve dhe shtyllës kurrizore. Problemi më i përhapur është sindroma e tunelit karpal.
Por çfarë duhet bërë për të parandaluar këto probleme? Bendit sugjeron:
1) Të kryhen ushtrime të stretching gjatë ditës
2) Të praktikohet joga.
3) Të bëhet një masazh tonifikues çdo javë
4) Të flihet të paktën 7 orë gjatë natës
5) Në punë të praktikohet në mënyrë periodike lëvizje rrotulluese të kyçit
6) Të mbahet postura e duhur e shtyllës kurrizore sa më drejtë të jetë e mundur
7) Të arrihen objektet e vendosura anash me anë të rrotullimit të karriges dhe jo me rrotullimin e shtyllës kurrizore, gjithçka duhet të jetë deri në 30cm larg.
8) Aparaturat më mirë me doreza të mëdha, reduktojnë çarjet te duart
9) Syzet zmadhuese në distancë fokale ndihmojnë mbajtjen e duhur të posturës.
10) Kini kujdes me dorezat që janë njësoj për të dyja duart, disa shkaktojnë lodhje të duarve.

Nën kujdesin e: Davis Cussotto, stomatolog profesionist i lirë.

Përktheu: Valbona Spahia