Në nëntor Kongresi Mbarëshqiptar i Stomatologjisë, ja ç'duhet te dini për regjistrimin

Në datat 5, 6 dhe 7 nëntor 2015 do të zhvillohet në Tiranë, Kongresi Mbarëshqiptar i Stomatologjisë. Është një event i rëndësishëm që mbledh në edicionin e katërt të tij dentistë nga Shqipëria, Kosova dhe Maqedonia.

Në datat 5, 6 dhe 7 nëntor 2015 do të zhvillohet në Tiranë, Kongresi Mbarëshqiptar i Stomatologjisë. Është një event i rëndësishëm që mbledh në edicionin e katërt të tij dentistë nga Shqipëria, Kosova dhe Maqedonia. Profesionistët e këtyre trevave do të shkëmbejnë me njëri-tjetrin e eksperiencat studimore, klinike dhe teorike, por edhe njihen me risitë më të fundit botërore në fushën e stomatologjisë.
Kongresi i njohur ndryshe edhe si "4th Pan Albanian Dental Congress" organizohet një herë në 2 vjet dhe mbledh profesorë shqiptarë e të huaj për të referuar në aktivitetet shkencore të tij. Organizatorë të tij janë Shoqata Dentare Shqiptare, Shoqata e Stomatologëve të Republikës së Kosovës dhe Shoqëria Stomatologjike Shqiptare e Maqedonisë, të cilat këtë vit kanë ftuar 20 profesorë të huaj nga vende të ndryshme të Ballkanit dhe Evropës, që me referimet e tyre do të zënë një pjesë të rëndësishme në Kongres. "Ky event më i rëndësishmi i llojit të vetë do të organizohet në Hotel Tirana International, ku do të mblidhen mbi 1000 mjekë stomatologë. Kështu gjatë kësaj periudhe do të merremi me organizimin e këtij aktiviteti që është i veçantë për stomatologjinë shqiptare", shprehet dr.Dorjan Hysi, kreu i Shoqatës Dentare Shqiptare.
Ndërkaq SHDSH njofton mbi tarifat e regjistrimit dhe mbi faktin që eventi është në proces akreditimi nga QKEV. Do të paguajnë 50 euro mjekët që janë anëtarë për vitin 2015 të Shoqatës Dentare Shqiptare (SHDSH), Shoqatës së Ortodontëve të Shqipërisë (SHOSH) dhe Shoqatës Shqiptare së Dentistrisë Pediatrike (SHSHDP). Dhe do të paguajnë 60 euro të gjithë stomatologët e tjerë nga Shqipëria, Kosova, Maqedoni. Afati i fundit i regjistrimit është data 30 tetor 2015.
Pagesa dhe regjistrimi do të kryhet pranë Raiffeisen Bank duke u bazuar në këto të dhëna.
IBAN: AL51202110130000008010109736 (EURO)
Nr. Llogarisë: 8010109736
SËIFT CODE: SGSBALTX
Po ashtu, në mandatin e pagesës në bankë duhet të specifikohet emri, mbiemri i personit dhe emërtimi i pagesës: "Regjistrim në Kongres". Pjesëmarrësit duhet të paraqiten personalisht ditën e Kongresit me një mjet identifikimi dhe me faturën e bankës për të konfirmuar prezencën e tyre.