Covid-19. Terapia antivirale bllokon virusin sincicial respirator dhe replikimin e Sars-CoV-2

Në një studim të botuar në Science, studiues nga Instituti i Shkencave Biomjekësore në Universitetin e Xhorxhias, në bashkëpunim me kolegët nga Universiteti Emory në Atlanta dhe Instituti i Kërkimeve Biomjekësore të Teksasit në San Antonio, përshkruajnë një analog të ribonukleozidit, 4'-fluorouridine (4' -FlU), i cili ka aktivitet të fuqishëm antiviral kundër SARS-CoV-2 dhe viruseve të tjera të ARN-së respiratore në kulturat qelizore, modelet e kafshëve dhe organoidet e epitelit të rrugëve njerëzore të frymëmarrjes, të cilat janë replikime në miniaturë të organeve dhe indeve njerëzore që rrjedhin nga qelizat staminale shumë të fuqishme të induktuara, ose nga qelizat dhe indet e rritura edhe të llojit tumoral.

"Pandemia COVID-19 dhe rishfaqja e infeksioneve të virusit të ARN-së respiratore si virusi sincicial respirator (RSV) te fëmijët, ka nxitur nevojën urgjente për të zhvilluar terapi orale antivirale me spektër të gjerë dhe 4'-FlU është shumë premtues", thotë Richard Plemper, koordinator studimi dhe drejtor i Qendrës për Kërkime Translacionale Antivirale në Xhorxhia, duke deklaruar se bari nuk vepron si mutagjen, por nxit përfundimin e polimerazës virale duke ndërprerë riprodhimin e gjenomit. "Remdesiviri, një antiviral me spektër të gjerë me veprim të drejtpërdrejtë, mbetet molekula e vetme e aprovuar kundër infeksionit SARS-CoV-2, por kërkon administrim intravenoz. Kufizimi pasues për pacientët e shtruar në spital komprometon efektin klinik pasi trajtimi shpesh fillon vonë në ciklin e infeksionit dhe nuk mund të përshkruhet në baza ambulatore", shpjegojnë autorët, të cilët testuan 4'-FlU kundër varianteve të ndryshme të SARS-CoV-2 te qelbësit dhe kundër RSV-së te minjtë. Duke vepruar kështu, ata zbuluan se bari bllokon fuqishëm replikimin e SARS-CoV-2 te qelbësit, duke përfshirë variantet gama dhe delta dhe shtyp në mënyrë efektive RSV-në te mushkëritë e minjve.

"4'-fluorouridine është i vetmi antiviral oral i disponueshëm aktualisht kundër SARS-CoV-2 dhe është tashmë aktiv kur jepet një herë në ditë, faktor shumë i rëndësishëm në garantimin e respektimit të terapisë", vazhdon Plemperi. Dhe ai përfundon: "Administrimi oral një herë në ditë i 4'-fluorouridines te minjtë dhe qelbësit redukton ndjeshëm barrën e RSV-së dhe SARS-CoV-2, përkatësisht, duke e filluar trajtimin 24 (RSV) ose 12 (SARS-CoV-2) orë pas infektimit. Këto rezultate e përshkruajnë 4'-FlU si një frenues oral me spektër të gjerë i viruseve kryesore të ARN-së, duke e bërë atë një opsion premtues terapeutik për sëmundjen RSV dhe COVID-19.

Science 2021. Doi: 10.1126/science.abj5508
http://doi.org/10.1126/science.abj5508