Covid-19, fëmijët dhe virusi i ftohjes

Sipas një studimi të paraqitur në Javën e Sëmundjeve Infektive, rinoviruset (RVs) dhe enteroviruset (EVs) filluan të qarkullonin mes fëmijëve gjatë pandemisë COVID-19, ndërkohë që pati një rënie të mprehtë në praninë e gripit, virusit sincicial të frymëmarrjes (RSV) dhe të viruseve të tjerë të frymëmarrjes. "Arsyeja e qarkullimit të rinoviruseve dhe enteroviruseve është e panjohur, por mund t'i atribuohet një sërë faktorësh, siç janë rrugët e ndryshme të transmetimit ose mbijetesa e zgjatur e virusit në sipërfaqe" shpjegon Danielle Rankin, nga Universiteti Vanderbilt, në Nashville Tennessee, autori kryesor i studimit.

"Një kuptim më i mirë i këtyre faktorëve të vazhdueshëm RV/EV dhe roli i ndërhyrjeve jofarmaceutike në dinamikën e transmetimit mund të drejtojë më tej rekomandimet dhe udhëzimet e parandalimit në të ardhmen" vazhdon eksperti. Studiuesit përdorën të dhënat nga rrjeti i ri i mbikëqyrjes së vaksinave nga Qendrat Amerikane për Kontrollin dhe Parandalimin e Sëmundjeve (CDC) dhe zbuluan se 37,676 fëmijë në shtatë qendra mjekësore në të gjithë SHBA-në midis dhjetorit 2016 dhe janarit 2021 u paraqitën në dhomën e urgjencës ose u shtruan në spital me RV, IV dhe viruse të tjera akute të frymëmarrjes.

Duke vepruar kështu, ata zbuluan se përqindja e fëmijëve tek të cilët u zbulua RV/EV nga marsi 2020 deri në janar 2021 ishte e ngjashme me përqindjen që u vëzhgua gjatë të njëjtëve muaj në 2017-2018 dhe 2019-2020. Megjithatë, përqindja e fëmijëve të infektuar me grip, RSV dhe viruse të tjera të frymëmarrjes së bashku është ulur ndjeshëm nga tre sezonet e mëparshme. Një qëndrueshmëri më e madhe e rinoviruseve në traktin respirator, larmia e madhe e llojeve eekzistuese dhe vështirësia e fëmijëve të vegjël për të mbajtur maskën në mënyrë korrekte, mund të shpjegojnë të paktën pjesërisht arsyen e kësaj situate.

Autorët theksojnë se studimi ka disa kufizime, duke përfshirë faktin se nga marsi 2020 deri në janar 2021 sjelljet e njerëzve në kërkimin e kujdesit shëndetësor mund të kenë ndryshuar për shkak të pandemisë dhe se studimi nuk përfshin frekuencën e viruseve të frymëmarrjes në ambientet ambulatore. Rënia e pjerrët 2020-2021 në RSV e raportuar në studim mund të jetë përmbysur pasi shumë prej kufizimeve të Covid-19 u hoqën këtë verë.