Higjiena e duhur orale mund të zvogëlojë rrezikun e diabetit

Një studim korean sugjeron që higjiena orale është një faktor kryesor në rrezikun e shfaqjes së diabetit. Sipas autorëve, me në krye Yoonkyung Chang, larja e shpeshtë e dhëmbëve mund të jetë një faktor lehtësues për rrezikun e diabetit të ri ndërsa sëmundja periodontale dhe rritja e numrit të dhëmbëve mungues do të ishin faktorë që do të rrisin rrezikun e lartpërmendur. "Përmirësimi i higjienës orale mund të shoqërohet me një rrezik të zvogëluar të shfaqjes së diabetit të ri", shkruajnë autorët në artikullin e botuar në Diabetologia.

Lidhja ndërmjet diabetit të ri, sëmundjes periodontale dhe higjenës së dobët orale është hipotezuar nga studiuesit pasi së bashku ato mund të shkaktojnë bakteremi të përkohshme dhe inflamacion sistemik. "Inflamacioni luan një rol të rëndësishëm në zhvillimin e diabetit, një problem serioz global i shëndetit", shpjegojnë ata. Studimi analizoi të dhënat nga Sistemi Kombëtar i Sigurimeve Shëndetësore Koreane-Grupi i Shqyrtimit të Shëndetit të gati 190,000 individëve të cilët vetë-raportuan sjelljet e tyre të higjienës orale, të tilla si shpeshtësia e larjes, vizitave dhe pastrimit të dhëmbëve. Gjatë një ndjekjeje mesatare prej 10 vjetësh, 31,545 pjesëmarrës zhvilluan diabet, me një normë ngjarjeje prej 16.1%.
Kjo normë ishte 17.2% tek personat me sëmundje periodontale dhe 15.8% tek ata pa këtë sëmundje.

Sëmundja periodontale mbeti e lidhur pozitivisht me paraqitjen e diabetit të ri, edhe pas rregullimit për faktorë të shumtë ngatërrues, edhe shkalla e ngjarjeve u rrit nga 15.4% për një dhëmb të humbur në 21.4% për 15 ose më shumë dhëmbë mungues. Për më tepër, rreziku i shfaqjes së diabetit të ri ishte dukshëm më i ulët me larjen e dhëmbëve të paktën 3 herë në ditë në krahasim me 0-1 herë. Së fundi, lidhja e sëmundjes periodontale me diabetin ishte më e fortë tek njerëzit e moshës 51 vjeç dhe më të rinj sesa në ata të moshës 52 vjeç e lart.