Trajnimi i profesionistëve të diabetit mund të shmangë komplikacionet në shëndetin oral

Sipas një studimi të botuar në "Diabetes Research and Clinical Practice", profesionistët e diabetit, të cilët i ndihmojnë njerëzit për të menaxhuar në mënyrë efektive sëmundjen dhe komplikacionet e saj, janë të gatshëm të përfshijnë edhe shëndetin oral në fushën e kujdesit për diabetin.

"Komplikacionet e shëndetit oral janë të zakonshme te njerëzit me diabet, por shumë pak është referuar sa i përket asistencës shëndetësore dentare të ofruar në fushën e kurimit të diabetit. Në punimin tonë kemi rishikuar njohuritë dhe praktikat e kujdesit shëndetësor dentar tek ofruesit e kurave për diabetin dhe rolin e profesionistëve të shëndetit që nuk kanë lidhje me fushën dentare, në promovimin e shëndetit oral", thotë Prakash Poudel, nga Universiteti Western Sidney, Australi, autori kryesor i studimit. Autorët kryen një kërkim sistematik përmes fjalëve-kyç në pesë baza të dhënash dhe nuk u vendosën kufizime në hartimin, cilësinë ose modelin e studimit. Janë përfshirë 30 studime në gjuhën angleze, të cilat janë konsideruar të rëndësishme.

Shumica e profesionistëve të diabetit nuk përballen me temën e asistencës dentare, duke pretenduar se pengesa kryesore janë kufizimet kohore dhe njohuritë e kufizuara në shëndetin oral. Ekzistojnë disa studime sporadike që tregojnë se një model i kujdesit në të cilin profesionistët e diabetit përfshihen në promovimin e shëndetit oral, mund të ketë si rezultat përmirësimin e pacientit. Sidoqoftë, nuk ka një trajnim të duhur për njohuritë dhe shpjegimet e shëndetit oral dhe as nuk ekzistojnë programe dhe instrumente vlerësimi dhe mjete që mund të ndiqen.

"Zhvillimi i këtij modeli të ri të kujdesit mund të ndihmojë në identifikimin dhe trajtimin e hershëm të komplikacioneve, veçanërisht për sëmundjet periodontale, gjë që do të shkonte edhe më tej vlerësimit të shëndetit oral të pacientëve, duke përmirësuar çështjet e komplikacioneve të diabetit në vendet e zhvilluara dhe në zhvillim; do të nevojiten studime të mëtejshme për të identifikuar pengesat dhe burimet shëndetësore që do t'i mbështesin profesionistët e diabetit në këtë rol", përfundojnë autorët.