Një spray nazal mund të parandalojë infeksionin Sars-CoV-2

Një antiviral me bazë lipopeptidesh që spërkatet në hundë ishte në gjendje të bllokonte transmetimin e Sars-CoV-2 tek minjtë dhe sipas një studimi të botuar në Science mendohet se mund të parandalojë infeksionin edhe tek njerëzit e ekspozuar ndaj koronavirusit të ri, duke përfshirë këtu edhe variantet më të reja.

"Njerëzit të cilët nuk mund të vaksinohen ose që nuk kanë imunitet të zhvilluar do të përfitojnë veçanërisht nga spërkatësi. Antivirali administrohet lehtësisht dhe, bazuar në përvojën tonë me viruse të tjera të frymëmarrjes, ai mund të japë mbrojtje të menjëhershme që mund të zgjasë të paktën 24 orë" shpjegon Matteo Porotto, i Universitetit Columbia dhe Universitetit të Campania Luigi Vanvitelli, Caserta dhe Anne Moscona e Universitetit Columbia, autorë kryesorë të studimit.

Lipopeptidi antiviral kushton pak për t'u prodhuar, mund të jetojë gjatë në raft dhe nuk kërkon ftohje, duke e bërë atë të dallueshëm nga qasjet e tjera antivirale në zhvillim, dhe duke përfshirë këtu shumë antitrupa monoklonalë, mund të jetë veçanërisht i dobishëm në popullatat rurale të cilet kanë të ardhura të pakëta dhe të vështira per t'u arritur. Porotto dhe Moscona kishin krijuar lipopeptidë të ngjashëm më parë për të parandaluar infektimin e qelizave me viruse të tjera dhe kur u shfaq Sars-CoV-2, ata u munduan të përshtatin virusin e ri me planet e tyre.

Lipopeptidet funksionojnë duke parandaluar që një virus të shkrihet me membranën qelizore të hostit të tij. Për t'u bashkuar, koronavirusi i ri shpalos proteinën e tij spike para se të kontraktohet në një pako kompakte. Komponimi njeh kulmin e Sars-CoV-2, futet në zonën e shpalosur dhe parandalon proteinën spike që të marrë formën kompakte e cila parandalon bashkimin e tyre.

Në eksperimentet e kryera tek minjtë, lipopeptidi u administrua në hundën e gjashtë prej tyre. Çiftet e minjve të trajtuar më pas u vendosën nëpër kafaze me nga dy minj kontrolli ku njëri prej tyre më parë kishte marrë një spërkatje të kripur për hundën dhe tjetri ishte i infektuar me Sars-CoV-2. Pas 24 orësh, asnjë nga minjte e trajtuar nuk u infektua, ndërsa të gjitha kafshët e kontrollit ishin infektuar. Lipopeptidi u testua gjithashtu në qelizat e infektuara me një varg variantesh Sars-CoV-2, dhe dha rezultate efektive. Autorët shpresojnë që së shpejti të mund të kalojnë në testimin njerëzor.