Këndvështrimi i SHBA lidhur me teknologjitë e reja në stomatologji

Margvelashvili-Malament: "Nuk mendoj se dentistët dhe mjekët do të zëvendësohen ndonjëherë nga kompjuterat, mendoj se dentistët që nuk përdorin teknologjitë e reja do të zëvendësohen nga dentistë që i përdorin ato"

Për ata që marrin pjesë në ngjarje jashtë shtetit, mjafton thjesht të ndjekin studimet e botuara ndërkombëtare, dhe ështe me e lehtë të kuptojnë që në SHBA revolucioni teknologjik në stomatologji është shumë më i zhvilluar se sa në Evropë dhe Itali. Prandaj është interesante, për të kuptuar evolucionin, për të njohur përvojën e atyre që kanë jetuar dhe bashkëjetuar me stomatologjinë dixhitale për disa kohë.

Dr. Miriam Margvelashvili-Malament ka sjellë vizionin e saj përmes Dentisry33.

Për të kuptuar përvojën e Dr. Margvelashvili-Malament mjafton të hedhësh një sy nëpër programet mësimore të saj, të cilat janë të ngjyrosura me Tricolor, duke qenë se ajo fitoi dy master në shkencën e materialeve dentare (2009-2013) në Universitetin e Sienës.

Nëse stomatologët dhe laborantët dentarë italianë po pyesin nëse ia vlen të investosh në skaner dhe produkte të shtypura 3D, në SHBA ata tashmë e kanë kuptuar se sa është e lidhur teknologjia me stomatologjinë dixhitale dhe sa shpejtë ndryshon ajo.

Duke folur për inteligjencën artificiale në stomatologji, Dr. Margvelashvili-Malament thotë për Dentisry33 se ajo së bashku me disa kolegë studiues në Universitetin Tufts kanë qënë në diskutime lidhur me një artikull mbi këtë temë, "artikulli ishte nga fillimi i vitit 2020", specifikon ajo. "Kur biseduam për të, të gjithë e kuptuam se ajo ishte tashmë e vjetëruar, kjo tregon se sa shpejt po evoluojmë".
Dhe studiuesit paraqesin një element të parë për tu marrë në konsideratë. Nëse është e lehtë të mësosh, të dish dhe të kuptosh se ku po shkon profesioni dhe të mësosh se si të përdorësh teknologji të reja, është më e vështirë të fitosh kohë për sa i përket blerjes.

"Sa herë që një mjet i ri del në treg përfshin kosto jashtëzakonisht të larta", kujton ajo. "Problemi mund të zgjidhet duke marrë me qira teknologjitë, por jo të gjitha kompanitë e kanë të mundur. Nëse nuk keni pajisjet, qëndroni prapa, kështu është shumë e vështirë të gjesh kompromisin e duhur midis të qenit i avancuar teknologjikisht dhe në të njëjtën kohë duke mbajtur kostot të menaxhueshme".

Për pyetjen klasike që vë në kontrast teknikën kundrejt teknologjisë, Dr. Margvelashvili-Malament beson se "teknologjia është një mjet i shkëlqyeshëm për ta bërë rezultatin e përgjithshëm më të mirë, më të saktë dhe më të shpejtë". Sidoqoftë, kërkohet një kurbë e caktuar mësimore dhe nuk mund të "kompensojë mungesën e përvojës ose njohurisë".
Dhe nuk është vetëm njohuria ajo që ka rëndësi, shpjegon ajo por një kuptim i të gjithë profesionit dhe mënyrës se si teknologjitë mund të zbatohen.

Teknologjia "mund të përmirësojë trajtimin e përgjithshëm, por nuk mund të zëvendësojë një mjek", sqaron ajo dhe më pas indirekt i përgjigjet frikës së të gjithë atyre që ndihen të kërcënuar nga teknologjitë e reja: a do t'i zëvendësojnë makineritë njerëzit?
"Unë nuk mendoj se dentistët dhe mjekët do të zëvendësohen ndonjëherë nga kompjutera, unë mendoj se dentistët që nuk përdorin inteligjencë artificiale dhe teknologji do të zëvendësohen nga dentistë që bëjnë", tha ajo.

"E bukura - shton ajo - është se ne mund të parandalojmë që kompjuterat të bëjnë gabime kompjuterike, ndërsa kompjuterët mund të na ndihmojnë të mos bëjmë gabime njerëzore".
Teknologjitë e reja dhe dixhitalizimi që, shpjegon ajo, "përfshijnë disa përgjegjësi, sa më shumë të jemi të kompjuterizuar, aq më shumë shanse ka të humbasim privatësinë e pacientit". Një dhënie dhe marrje në të cilën, për studiuesin, është normale të fitosh pak dhe të humbasësh pak, por, "në këtë rast, përfitimet tejkalojnë rreziqet".

Cilat do të jenë revolucionet e radhës të sjella nga teknologjia në stomatologji?
"Në përgjithësi - thotë ajo - gjithçka do të orientohet drejt përmirësimit të teknologjive aktuale dhe thjeshtimit të rrjedhës së punës. Do të ketë më shumë kompjuterizim, më shumë dixhitalizim dhe automatizim si në klinikat private ashtu edhe në universitete. Ne jemi duke hyrë në epokën kur trillimi bëhet realitet".

Kur bëhet fjalë për inteligjencën artificiale, Dr. Margvelashvili-Malament beson se ajo ka "vlerë të konsiderueshme dhe një të ardhme në stomatologji". Mënyra se si diagnostikojmë dhe vizitojmë pacientin, si ia shpjegojmë trajtimin e ardhshëm pacientit përmes realitetit virtual / të shtuar, do të ndryshojë jo vetëm mënyrën e ushtrimit të profesionit por edhe pritshmëritë e pacientëve.

"Në takimin paraprak - supozojmë - do ta analizojmë pacientin virtual nga kompjuteri përmes të dhënave virtuale. Diagnoza fillestare mund të bëhet përmes analizave të kryera nga inteligjenca artificiale. Prandaj, në takimin e vërtetë, mjeku tashmë do të ketë një përmbledhje të situatës së pacientit".
"Padyshim - thotë ai - ne nuk mund të mbështetemi plotësisht në diagnozën e krijuar nga kompjuteri, por kjo sigurisht që do të zvogëlojë kohën, si dhe do të lejojë komunikim më të shpejtë midis specialistëve të ndryshëm".

"Kjo është arsyeja pse ne shohim gjithnjë e më shumë software të bazuar në cloud, ku të dhënat e pacientit mund të arrihen më shpejt dhe nga më shumë njerëz në të njëjtën kohë".
Sa për pajisjet mekanike të udhëhequra nga inteligjenca artificiale në stomatologji, ato do të lejojnë që klinicisti të "drejtohet" duke shmangur mundësinë, për shembull, të futjes së implanteve në pozicione të ndryshme nga ato të projektuara më parë.