Bulimia: një problem edhe për dhëmbët

Nga Massimo Gagliani

Bulimia është një sëmundje shumë e përhapur, më tepër nga sa mendohet, e cila çon personin e prekur të konsumojë ushqim me tepri, dhe më pas të mundohet ta eleminojë atë duke provokuar të vjella. Mund të jetë gjithashtu një patologji e luhatshme që alternohet me gjendjen e anoreksisë, ose mungesën e marrjes së ushqimit që ndodh në të njëjtën mënyrë të përmendur më sipër.

Bulimia mund të dëmtoje dhëmbët
Të gjitha këto situata përfshijnë praninë e lëngjeve të stomakut brenda gojës të cilat, duke qenë acide të fortë, priren të konsumojnë sipërfaqen e dhëmbit. Në fakt, në një mjedis acid, smalti ka tendencë të dekalcifikohet dhe, për këtë arsye, ai bëhet më i dobët.
Qëndrueshmëria e këtyre fenomeneve e bën shtresën e smaltit gjithnjë e më të hollë, derisa konsumohet plotësisht; në këtë mënyrë del dentina, indi i brendshëm i dhëmbit, shumë më i shkrifët dhe, mbi të gjitha, shumë më i ndjeshëm. E gjithë kjo rezulton në një konsumim anormal të të gjithë sipërfaqes së dhëmbit, veçanërisht asaj më të brendshme, e cila i krijon shqetësime pacientit dhe shkakton probleme në çdo lëvizje përtypëse.

Si duhet ti trajtojë dhëmbët dikush që vuan nga bulimia
Kujdesi dentar tek këta pacientë është shumë kompleks sepse dëmtimi i dhëmbëve është shumë i dukshëm dhe konsumimi është aq i lartë sa, në disa raste, mund të dëmtohet edhe sipërfaqja e pulpës dentare në sipërfaqe. Dhimbja në ato raste është shumë e lartë dhe, jo rrallë, përfshin nevojën për të devitalizuar dhëmbin ose dhëmbët e përfshirë.

Pasojat psikologjike
Nga ky përshkrim i shkurtër është e lehtë të kuptohet se sa dramatik është ky problem edhe për sektorin e dhëmbëve, për të mos përmendur faktin që peshën më të madhe e mbajnë dhëmbët e përparmë, kjo përfshin një dëm estetik aq të dukshëm, saqë mund te ndikoje negativisht edhe ne psikologjinë e individëve ne momentin qe ndryshojnë marrëdhënien e tyre me ushqimin.