Meksikë: stomatologët nuk bëjnë pjesë në kategoritë që do të vaksinohen të parët

Kritikët e sindikatave kujtojnë sa shumë dentistë u detyruan të mbyllnin klinikat e tyre për shkak të rrezikut të lartë të ekspozimit dhe kostove që lidhen me furnizimin e sistemeve mbrojtëse të nevojshme për të parandaluar përhapjen e Covid-19.

Nga Lorena Origo

Dhjetorin e kaluar, Sekretaria e shëndetit në Mexico City (SEDESA) njoftoi fillimin e fazës së vaksinimit kundër SARS-CoV-2. Mjekët e parë që u vaksinuan ishin drejtuesit e Njësisë së kujdesit intensiv të Spitalit të përgjithshëm "Dr. Rubén Leñero", María Irene Ramírez dhe Fernando Molinar Ramos.

Profesionistet dentarë të klinikave private dhe studentët nuk duken të jenë të përfshirë në fushatën e vaksinimit dhe kjo është arsyeja pse sindikata ka nxitur autoritetet meksikane të marrin në konsideratë ketë kategori pasi stomatologjia mund të konsiderohet si zonë në "vijën e parë" për rrezikun e përhapjes.

Në fakt, duke qënë se pikat e pështymës janë mjeti kryesor i infektimit, dentistët janë veçanërisht të ekspozuar, pasi instrumentet dhe pajisjet rrotulluese që lëshojnë aerosole ata i përdorin në trajtimet dentare. Një front i dytë i rrezikut lind nga fakti se disa pacientë që shkojnë në klinikat dentare mund të jenë asimptomatike ose të infektohen pa patur ende simptoma.

Në këtë drejtim, sipas shkencëtarëve nga Qendrat për Kontrollin dhe Parandalimin e Sëmundjeve (CDC), 59% e rasteve vijnë nga transmetimi asimptomatik, ndërsa 35% vijnë nga njerëz që infektojnë të tjerët para se të shfaqin simptoma.

Shumë dentistë u detyruan të mbyllin klinikat e tyre për shkak të pandemisë, si për rrezikun e lartë të ekspozimit ndaj sëmundjes ashtu edhe për problemet ekonomike, pasi furnizimet mjekësore janë gjithnjë e më të shtrenjta dhe më të vështira për tu marrë, shuma të mëdha duhej të investoheshin për mbrojtjen dhe modifikimin e hapësirave të punës.

Përballë të gjithë këtyre elementeve, disa sindikata dhe shoqata tregtare kanë botuar shkrime në të cilat ata shprehin shqetësimin e tyre dhe kërkojnë të përfshihen në valën e parë të vaksinimeve kundër COVID-19.