Testet laboratorike tregojnë se pasta e dhëmbëve dhe shpëlarësit e gojës neutralizojnë 99.9% të COVID-19

Studimet klinike të promovuara nga Colgate, në fazë vërtetimi, zbulojnë efektivitetin e produkteve të higjienës orale në zvogëlimin e sasisë së virusit në gojë, duke ngadalësuar potencialisht transmetimin e virusit COVID-19.

Studimet laboratorike tregojnë se pastat e dhëmbëve që përmbajnë zink ose stanous dhe formulat në shpëlarësit e gojës me klorur cetilpiridinium (CPC) neutralizojnë me 99.9 përqind virusin që shkakton COVID-19. Studimet janë pjesë e një programi kërkimor të Colgate-s që përfshin studime klinike midis njerëzve të infektuar për të vlerësuar efikasitetin e produkteve të kujdesit në reduktimin e sasisë së virusit në gojë, duke ngadalësuar potencialisht transmetimin e virusit COVID-19.

Në studimet laboratorike - i pari që përfshin pastën e dhëmbëve - pasta e dhëmbëve Colgate Total dhe Meridol neutralizuan 99.9% të virusit pas dy minutash kontakti. Shpëlarësit e gojës Colgate Plax, Colgate Total dhe Colgate Zero ishin njësoj efektiv pas 30 sekondash. Studimet, të përfunduara në Tetor, u kryen në bashkëpunim me Rutgers New Jersey Medical School (NJMS), Public Health Research Institute dhe Regional Biosafety Laboratories.

Rezultatet sugjerojnë që disa pasta dhëmbësh dhe shpëlarës goje mund të ndihmojnë në reduktimin e përhapjes së SARS-CoV-2, virusit që shkakton COVID-19, duke ulur përkohësisht sasinë e virusit në gojë. Virusi përhapet përmes grimcave të frymëmarrjes ose grimcave të vogla të prodhuara kur një person i infektuar kollitet, teshtin, këndon, flet ose merr frymë, sipas Qendrave të SHBA për Kontrollin dhe Parandalimin e Sëmundjeve. U.S Centers for Disease Control and Prevention.

Ndonëse larja e dhëmbëve dhe shpëlarja e gojës nuk janë trajtime apo mënyra për të mbrojtur plotësisht një individ nga infeksioni, ato mund të ndihmojnë në zvogëlimin e transmetimit dhe ngadalësimin e përhapjes së virusit, duke shtuar këtu përfitimet që ne marrim nga mbajtja e maskave, distancimi social dhe larja e shpeshtë e duarve"- tha Dr. Maria Ryan, Drejtuese Klinike e Colgate. Ne jemi në fazat e hershme të hetimeve tona klinike, por rezultatet tona paraprake laboratorike dhe klinike janë shumë premtuese."

Dr. David Alland, Shefi i Sëmundjeve Infektive dhe Drejtori i Qendrës për përgjigje ndaj COVID-19 dhe Gatishmërisë Pandemike, i cili udhëhoqi studimin Rutgers së bashku me kolegët Dr. Pradeep Kumar dhe Riccardo Russo, tha:"ndërkohë që nuk e dimë akoma kontributin e virusit SARS CoV2 me origjinë nga goja në transmetimin COVID-19, pështyma sigurisht që mund të përmbajë sasi të virusit që janë të krahasueshme me ato që gjendet në hundë dhe fyt. Në këtë mënyre, reduktimi i virusit në gojë mund të ndihmojë në parandalimin e transmetimit të tij gjatë kohës që produktet e kujdesit oral janë aktive."

Njëkohësisht me studimin laboratorik, Colgate sponsorizoi një studim klinik ku morën pjesë rreth 50 individë të hospitalizuar me COVID-19. Ky studim demonstroi aftësinë e disa shpëlarësve të gojës Colgate për të reduktuar ndjeshëm sasinë e virusit në gojë në mënyrë të përkohëshme.

Studiuesit planifikojnë të ndajnë gjetjet e tyre së shpejti. Studime të mëtejshme të mbështetura nga Colgate mbi pastat e dhëmbëve dhe shpëlarësit e gojës janë në faza të hershme në Rutgers , Instituti Albert Einstein në Sao Paulo, Brazil dhe Universiteti i Karolinës së Veriut në Shkollën e Stomatologjisë në Chapel Hill Adams, me rreth 260 persona me COVID-19 të përfshirë në këto studime.
Colgate po bashkëpunon me studiues të shumtë në të gjithë globin për të kryer kërkime klinike për të eksploruar potencialin e produkteve të kujdesit oral për të reduktuar ngarkesat virale orale si një strategji e zvogëlimit të riskut, tha Dr. Ryan. "Ne mendojmë se kujdesi oral ka një rol për të luajtur në luftën kundër pandemisë globale, krahas masave të tjera parandaluese."

Dr. Mark Wolff, Dekan i Mjekësisë Dentare Penn në Universitetin e Pensilvanisë, thotë, "Në këtë pandemi, sa më shumë që ta kuptojmë virusin, aq më efektiv mund të jemi në luftimin e tij, kështu që unë jam i kënaqur kur shoh programin mbresëlënës të kërkimit të Colgate.. Ne duhet të vazhdojmë të marrim masat paraprake të rekomanduara nga autoritetet shëndetësore dhe me këto studime ne mund të demonstrojmë një mënyrë shtesë për të adresuar transmetimin e sëmundjes midis njerëzve në kontakt të ngushtë, veçanërisht në zyrën dentare.Ky do të ishte një progres i rëndësishëm". Si eksperti dentar numër 1 në botë, Colgate është i përkushtuar për të udhëhequr shkencën dhe për të siguruar që produktet e saj të adresojnë sfidat shëndetësore dhe të përmbushin nevojat e konsumatorit.

Për më shumë informacion mbi efektet e higjienës orale në shëndetin e përgjithshëm dhe njohuritë mbi maskat dhe tema të tjera, vizitoni www.colgate.com