Stomatologjia dhe Covid-19: reduktimi i pacientëve dhe faturimit është një problem global

Stomatologët në Itali, Spanjë, Angli ankohen për uljen e numrit të pacientëve. Një kërkim i ADA-s indikon stomatologët në telashe për shkak të reduktimit të numrit të pacientëve

Cristoforo Zervos

Infektimet nga COVID-19 po kushtëzojnë në mënyrë të ngjashme klinikat dentare në të gjithë botën.
Sipas të dhënave të paraqitura gjatë eventit të UNIDI dhe ANDI, nga Key-Stone dhe Servizio Studi ANDI, në fundvit stomatologët italianë ankohen për një rëndie të faturimeve që vlerësohet me rreth 25%, ku kjo përqindje është pak më e ulët për klinikat më të organizuara dhe pak më e lartë për ata mono-profesionalë.

Por nuk po i shkojnë më mirë punët kolegëve spanjollë, duke parë që sipas kërkimit të kryer gjithnjë nga Key-Stone, në klinikat spanjolle, rënia vlerësohet me 24%.
Ndërsa sipas General Dental Council në këto muaj pandemie 51% e pacientëve anglezë kanë preferuar t'i shtyjnë kurat që nuk janë urgjente.
Edhe përtej oqeanit stomatologët nuk duket se i kanë punët mirë.
Më 23 mars ADA Health Policy Institute ka kryer një monitorim për të vlerësuar impaktin ekonomik të pandemisë në klinikat dentare amerikane. Dentistëve i është kërkuar edhe që të marrin pjesë në një grup për të plotësuar një sondazh dyjavor. Në këtë zbulim të fundit, është përgjigjur një kampion përfaqësues në nivel kombëtar me pothuajse 2500 stomatologë.

Këto rezultate të sondazhit dhe rezultate të tjera janë ndarë në një Webinar të shkurtër të disponueshëm në YouTube, që ka trajtuar çështjet në lidhje me numrin e pacientëve, masat dhe konsideratat për të përshtatur mbështetjen financiare të tanishme dhe të ardhshme e mbi ndjesitë e konsumatorit.
Volumi i pacientëve në klinikat dentare amerikane është vlerësuar me 76% të niveleve pre-COVID-19, me një rënie të lehtë gjatë dy muajve të fundit, sipas të dhënave të fundit që janë grumbulluar nga ADA në monitorimin e kryer gjatë javës 16-22 nëntor. Sondazhi ka zbuluar për më tepër që personeli i klinikave ishte në 90% të niveleve pre-pandemike dhe një e treta e këtyre nuk ka pasur ndryshime të rëndësishme në termat e volumit të pacientëve.

Elementet kryesore që janë nxjerrë nga sondazhi ishin:
- Pothuajse të gjitha klinikat kishin kapacitete për të pritur më shumë pacientë nga sa po presin tani. Më shumë se një e treta referon të jetë në 51-75% të numrit maksimal të klientëve potencialë. Më pak se 1 nga 10 po operon me më shumë se 95% të kapacitetit maksimal aktual. Klinikat e mëdha kanë një numër pacientësh më të lartë.
- Stomatologët kanë përshtatur masa të ndryshme për të ruajtur mbështetjen financiare të profesionit të tyre, në mënyrë analoge me sondazhet e mëparshme. Më shumë klinika të lidhura me DSO (Dental Service Organizations) kanë kryer riorganizim të personelit stomatologjik, ndërsa ato që nuk janë të lidhura me DSO kanë shtuar tarifat ose kanë marrë kredi në banka.
- Nëse aksesi te pacientët do të mbetet i njëjtë nga java e 16 nëntorit deri në fund të vitit është e mundur që stomatologët të rritin tarifat. Ndërmjet stomatologëve me moshë të barabartë ose më të madhe se 65 vjeç, më shumë se një e treta kanë deklaruar se do të marrin në konsideratë shitjen e biznesit dhe rreth 40% po konsideron daljen në pension.

Zhvillimi i një vaksine mbetet një pjesë e rëndësishme për të shtuar pacientët nëpër klinikat dentare.

Përktheu: Valbona Spahia