Kurat dentare janë thelbësore: dentistët duhet të jenë ndër të parët që duhen vaksinuar

Shoqata Amerikane e Dentistëve (ADA) i ka kërkuar Center for Disease Control and Prevention që të përfshijë dentistët te profesionistët e shëndetit që duhen vaksinuar kundër COVID-19

Cristoforo Zervos

ADA i ka kërkuar Centers for Disease Control and Prevention (CDC) që të fusë stomatologët në listën e profesionistëve të shëndetit që do marrin vaksinën kundër COVID-19.
Në një komunkim të fundit për shtyp, komiteti konsultues i CDC mbi praktikat e imunizimit, presidenti i ADA Daniel J. Klemmedson dhe drejtoresha ekzekutive Kathleen T. O'Loughlin, kanë observuar që mund të ketë furnizime të limituara me vaksinë, kur ajo të jetë e disponueshme. Ndaj kanë shprehur shqetësimin për faktin se dentistët dhe personeli i tyre nuk janë përfshirë aktualisht në personeli kyç për planet e vaksinimit, pavarësisht se praktika stomatologjike është një shërbim dentar thelbësor.
Në komunikatë ADA ka theksuar rekomandimet e fundit të nxjerra nga Akademitë Kombëtare të Shkencave, Inxhinierisë dhe Mjekësisë që rekomandojnë futjen e stomatologëve në Fazën 1, pra ndërmjet atyre që i duhet inokuluar vaksina më përpara.

"Nuk ekziston asgjë banale apo e parëndësishme në kurat stomatologjike," - kanë shkruar doktorët Klemmedson e O'Loughlin. "Përveçse trajtojnë dhimbjen e menjëhershme, dentistët vlerësojnë, diagnostikojë, parandalojnë dhe trajtojnë sëmundjet që mund të ndryshojnë jetën ose ato që e vënë jetën në rrezik. Për shembull, diagnostikimi i parakohshëm i tumoreve orale dhe infeksioneve të rënda mund të çojë në një trajtim të parakohshëm. Vonesa e trajtimit për disa muaj, javë apo edhe ditë mund të bëjë diferencën ndërmjet vdekjes së parakohshme, formimit të një anomalie ose të jetuarit një jetë normale dhe të shëndetshme."

ADA për më tepër ka theksuar që kurat stomatologjike janë thelbësore për menaxhimin e sëmundjeve kronike si diabeti, që është mbartës edhe i disa problemeve të shëndetit oral: "Duke qenë se stomatologët kanë eksperiencë në njohjen e sinjaleve dhe simptomave të para të diabetit," - kanë afirmuar Klemmedson dhe O'Loughlin - "mund të ndihmojnë pacientët që të shmangin komplikacionet e rënda që lidhen me këtë patologji duke i adresuar në follow up mjekësor."
"Dentistët dhe personeli i tyre mund të ndihmojnë në shtimin e aftësisë së ndërhyrjeve shëndetësore në vend, për të mbështetur mjekësinë e përgjithshme," - ka nënvizuar ADA. "Për më tepër, përmbyll ajo në komunikatën e saj, dentistët mund të mbështesin sistemin shëndetësor kombëtar në momentet e krizës sepse janë profesionistë të kualifikuar të shëndetit, që mund të administrojnë vaksina për patologjitë kritike dhe të bashkëpunojnë në parandalim për të ruajtur shëndetin e pacientëve dhe personelit në klinikë."

Përktheu:Valbona Spahia