Sigurimet dhe modifikimet e planit të trajtimit të përshkruar nga mjeku. Në SHBA një ligj mund t'i ndalojë

Senati ka vlerësuar projektimin e ligjit për të modifikuar ndalimet e sigurimeve në planet e mbulimit shëndetësor të kurave dentare dhe oftalmike

Cristoforo Zervos

ADA (American Dental Association) po mbështet një projektim të ri të ligjit bipartizan të paraqitur në Senatin e Shteteve të Bashkuara që do të ndalonte përjashtimet e mbulimeve nga sigurimet në planet e kurave dentare që përshkruhen nga mjeku për pacientin, të cilat nuk shpërndahen nga sigurimet. Në thelb do të duhej që edhe në vendet ku sistemi shëndetësor bazohet në financimet nga sigurimet, të viheshin frena mbi mundësinë e sigurimeve për të vënë në diskutim planin e trajtimit të përshkruar nga stomatologu.

Mbështetja dhe falenderimi institucional i ADA-s është bërë publik nëpërmjet një letre që është dërguar pak ditë më parë te ligjvënësit Joe Manchin dhe Kevin Cramer, respektivisht senatorë të partisë Demokratike dhe Republikane, duke falenderuar për mbështetjen e "Dental and Optometric Access Act" të 2017 të promovuar nga vetë ADA, që parashikon pikërisht pamundësinë për planet e sigurimeve që të parashikojnë përjashtimet e mbulimeve të planeve të kurave të këshilluara nga stomatologu.
"Ofrojmë mbështetjen tonë të madhe për këtë ligj bipartizan sepse shohim që pacientët janë të disavantazhuar në mënyrë të konsiderueshme nga planet e sigurimeve dentare në fuqi,"- ka shkruar presidenti i ADA, Daniel J. Klemmedson.

"Pikërisht për këtë arsye tashmë 40 shtete kanë miratuar ligjin, duke limituar interferencën në raportin mjek-pacient, kur mjeku përshkruar shërbime që sigurimet nuk i mbulojnë."
"Megjithatë," - ka specifikuar Klemmedson, - "është e nevojshme një përpjekje e qeverisë federale, duke qenë se shumë plane dentare janë të rregulluara në nivel qendror dhe jo shtetëror."
Klemmedson ka observuar se situata aktuale ka një impakt negativ mbi konkurrencën në tregun e planeve të sigurimeve dentare, që mbizotërohet nga pak provider kombëtarë në shumë shtete dhe sposton kostot te pacientët që paguajnë nga xhepi i tyre ose kurohen nga dentistë jashtë rrjeti."
Për presidentin e ADA, DOC Access Act do të ofrojë një akses më të madh për kurat dentare me cilësi të lartë, duke ndihmuar pacientin dhe duke bllokuar praktikat antikonkurrencë në ofertën e planeve të sigurimeve dentare.
"Ky legjislacion," - shpjegon Klemmedson, - "do të jetë thelbësor për të vënë ekuilibrin e nevojshëm në përpjekjet kontraktuale ndërmjet agjencive të vogla të sigurimeve dhe kompanive të mëdha."
"Ligji i DOC Access Act mund të sjellë barazi në furnizimin e kontratave të sigurimeve në nivel federal," - përfundon presidenti, - "përveçse të sjellë një përfitim të vërtetë për pacientët."

Pëktheu: Valbona Spahia