Çfarë nënkuptohet me kontakt të ngushtë dhe si duhet të sillemi në klinikë kur kemi një rast pozitiv me Covid-19

Rasti i një dentisti pozitiv në Montreal, rihap dyshimet mbi detyrimet ndaj stafit të klinikës dhe pacientëve. Në vijim një guidë mbi këtë temë.

Silvio Brusaferro, president i Institutit të Lartë Italian të Shëndetësisë ka risjellë temën mbi gjurmimin e personave bartës të virusit dhe si në këtë fazë të veçantë ku janë asimptomatikët ato që "e shpërndajnë" të arrijmë ta mbajmë nën kontroll. Të arrish të gjurmosh simptomatikët, asimptomatikët dhe ata me të cilët ke pasur kontakte duke i futur në karantinë besimi për ekspertët është sa thelbësore që të reduktohet epidemia po aq dhe e vështirë.
Por çfarë parashikojnë normat materiale dhe si aplikohen në rastin kur në klinikën stomatologjike komunikohet që një pacient pasi është vizituar ka zbuluar se është pozitiv (jo se e ka marrë virusin në klinikë) apo që një person i stafit ka rezultuar pozitiv ose ka pasur kontakte të ngushta me një person pozitiv?

Nga Ministria Italiane e Shëndetësisë janë dhënë për qytetarët këto indikacione:
-Mbi përfufizimin e karantinës dhe izolimit ministria ka ndërhyrë me një dokument të nxjerrë më 12 tetor ku ka sqaruar modalitetin e menaxhimit dhe harkun kohor të rifillimit të punës.
Ministria indikon se në rastin e pozitivit duhet të dallohen tre situata:
1.Tamponi është pozitiv dhe individi është asimptomatik. Duhet të respektohet një periudhë izolimi që duhet të bëhet në "ambiente dhe kushte të tilla që të parandalohet transmetimi i infeksionit" për të paktën 10 ditë që nga shfaqja e pozitivitetit. Pas 10 ditësh të bëhet tamponi, nëse del negativ mund të rikthehet në përditshmëri nëse jo duhet të qëndrojë i izoluar derisa testi të rezultojë negativ.
2.Individi simptomatik duhet të respektojë periudhën prej të paktën 10 ditësh të izolimit që nga shfaqja e simptomave (duke mos marrë në konsideratë anosminë dhe ageusinë/disgeusinë që mund të ketë një kohëzgjatje më të madhe), izolimi duhet të vijojë derisa të dalë tamponi negativ, i cili duhet kryer pas 3 ditëve pa simptoma.
3.Për individët pozitivë të quajtur "afatgjatë", pra ata që pavarësisht se nuk kanë më simptoma vazhdojnë të rezultojnë pozitivë në testin molekular për Sars-CoV-2, në rastin e mungesës së simptomatologjisë prej të paktën 1 jave, mund ta ndërpresin izolimin pas 21 ditësh nga shfaqja e simptomave. Kriter që mund të modulohet nga autoritetet lokale të shëndetësisë.

-Po për profesionistët e shëndetësisë?
Duke qenë të ekspozuar këto nuk vlejnë për profesionistët e shëndetësisë përsa kohë që punojnë me mbrojtjet e indikuara nga protokollet ministeriale dhe përshtasin procedura të sakta të parandalimit dhe higjienizimit. Sidoqoftë vendos ASL për mbyllje të mundshme të klinikës dhe izolim të personelit në rastin e kontakteve me pozitivët, ashtu si edhe bërjen e tamponit nga pacientët e klinikës kur ai që ka rezultuar pozitiv ka qenë pjesë e stafit.
Zonë "gri" është sekretaria, pasi edhe përse punojnë me mbrojtjen personale të parashikuara nuk konsiderohet personel shëndetësor dhe prandaj teorikisht duhet të respektojnë normat e karantinës. Këshilla e disa prej presidentëve CAO, në rastin e një pacienti pozitiv apo një pjestari të stafit është që të ndiqen ato që janë indikuar nga dispozitat materiale të sigurisë mbi punën dhe punonjësit (udhëzimet INAIL): të kontaktohet mjeku kompetent që do të vlerësojë së bashku me ASL nëse duhet bërë tamponi për të gjithë personelin që ka qenë në kontakt me pacientin apo kolegun pozitiv. Në rastin e tamponit negativ i gjithë personeli mund të kthehet në punë. Pa përgjigjen e tamponit, punonjësi duhet të qëndrojë në karantinim.
Për më tepër vetëm në rastin e tamponit pozitiv punonjësi mund të mungojë në punë dhe të konsiderohet i sëmurë.

Përktheu: Valbona Spahia