Stresi nga Koronavirusi. Sipas SIdP në risk edhe shëndeti oral

Alarmi vjen nga Kongresi i Periodontologjisë 2020. Shtohen përshkrimet për bite dhe pacientët me mikro fraktura dentare të shkaktuara nga bruksizmi për shkak të stresit

Ndër stomatologet e para që ka sinjalizuar se pasojat e frikërave që lidhen me pandeminë ndikojnë negativisht edhe në shëndetin oral ka qenë Tammy Chen, një stomatologe në Nju Jork, e cila është intervistuar nga New York Times.

Por doktoresha Chen, pa sjellë asnjë të dhënë epidemiologjike të vlefshme kishte theksuar sesi në klinikën e saj ishin shtuar numrat e pacientëve me mikro fraktura te dhëmbët që janë shkaktuar nga bruksizmi, po edhe nga problemet periodontale.

Tani këtë teori që stresi i përditshëm i lidhur me emergjencën COVID po vë në risk edhe shëndetin oral e konfirmon edhe SIdP.

Për SIdP në këtë periudhë është regjistruar një 30% më shumë e kërkesave për bite dhe aparatura ortodontike për bruksizmin me rastet e shtuara nga ky çrregullim me 36%, për më tepër është zbuluar një shtim me 120% (më shumë se dyfishi) në krahasim me 2019 për frakturat dentare dhe një shtim të ndjeshëm të kariesit (+18%).

"Pas karantinës," - shpjegon për ANSA Luca Landi, president i SIdP - "kemi regjistruar një përkeqësim të kushteve orale dhe periodontale dhe komplikacioni i frakturave dentare është ndër më të shpeshtët që ndeshet. Përveç mungesës së vizitave të kontrollit dhe higjienës së dobët orale është shtuar edhe ankthi më i madh që përcaktohet nga distancimi social. Shumë persona në fakt priren që të somatizojnë shqetësimet dhe stresin në nivelin e zgavrës orale, me sjellje si bruksizmi, që nëse vazhdojnë për një kohë të gjatë mund të përkeqësojnë sipërfaqen dentare dhe të shkaktojnë fraktura, dhimbje në nofull, ndjeshmëri dentare, hemikrania dhe shtim të lëvizshmërisë së dhëmbëve te pacientët me periodontit më të rëndë."

"Këto kushte i përkeqëson," - vijon presidenti Landi, -"shtimi i stresit nga smart-working që mund të shtohet kur zgjaten oraret e punës dhe nuk ka pushime në orarin e punës."

Përktheu: Valbona Spahia