Përdorimi i celularit në mënyrën e duhur në klinikë

Përdorimi dhe abuzimi me celularin privat në klinikë. Rregullat sipas Californian Dental Association

Nga Davis Cussotto

Çdo ditë zgjasim duart drejt celularit që virtualisht na dërgon kudo ku duam të shkojmë. Dhe kjo nuk është aspak një veprim pa efekte anësore. Sipas një studimit të ACI (Automobile Club Italia) shkaku më i shpeshtë i aksidenteve rrugore është pikërisht shpërqendrimi i drejtuasit të mjetit nga përdorimi i celularit.
Përdorimi i tij në vendet e punës gjatë orarit të shërbimit zbulon një burim të fuqishëm problemesh: redukton produktivitetin dhe eficiencën e detyrave të kryera dhe mund të shkaktojë gabime të mëdha në punë, prandaj shumë kompani kanë përshtatur një rregullore ku parashikojnë sanksione për përdorimet e papërshtatshme.
Në klinikën dentare përdorimi i gabuar i celularit shkakton probleme me normativat e privatësisë dhe ul nivelin e profesionalitetit të shërbimit. Pacienti në klinikë sheh me vëmendje gjithçka që ndodh, çdo gjest apo fjalë nga ana e personelit analizohet dhe vlerësohet ndërkohë që ai përjeton eksperiencën e trajtimit dhe konsumit, ku kjo e fundit vjen nga fakti që ai paguan për zgjidhjen e një problemi shëndetësor.

Përdorimi i celularit për biseda private në prani të pacientit bën që ky i fundit të mos ndihet në qendër të vëmendjes së ekipit dentar.
Ndoshta mund të mendojë se një shpërqendrim i profesionistëve mund të ndikojë në rezultatin e dobët të trajtimit që po merr. Por ekziston një mënyrë "pak profesionale" e përdorimit të celularit: të ndërpresim punën për t'iu përgjigjur një telefonate të një pacienti tjetër që i duhen dhënë këshilla me Viva voce në mënyrë që dhe ai që është ulur në poltron ta dëgjojë telefonatën.
Ndalimi i përdorimit të celularit për stafin e klinikës është gjithsesi një zgjidhje jo realiste, shmangia e konflikteve ndërmjet stafit dentar është gjithmonë një zgjidhje që duhet ndjekur.

Krijimi i një politike mbi përdorimin e saktë është në fakt shumë i këshillueshëm për stafin sipas një raporti të fundit të Californian Dental Association.
Ja disa sugjerime pragmatike që duhen shpërndarë në ekipin e punës për politikën e përdorimit të pajisjeve personale sipas CDA:
1.Përdorimi i celulalrit duhet të shmanget në sallat operative gjatë ndërhyrjeve.
2.Të limitohet përdorimi gjatë pushimeve dhe në zonat e klinikës ku pacienti ka akses.
3.Të shmanget shikimi i videove të gjata duke u limituar me mesazhe ose telefonata të shkurtra.
4.Të hiqet çdo zile.
5.Të mos bëhen video apo fotografi Selfie që përfshijnë pacientin.

Personeli gjithashtu duhet të jetë koshient që telefoni duhet të higjenizohet në mënyrë periodike sepse mund të jetë një mjet për infeksionin e kryqëzuar.

Përktheu: Valbona Spahia