Njohja, qëndrimi dhe sjellja profesionale përballë pandemisë COVID-19

ADA ka kryer një kërkim për këtë. Kërkuesit thonë që profesionistët dentarë mund të luajnë një rol të rëndësishëm në parandalimin e transmetimit të COVID-19

COVID-19 vazhdon të ketë një impakt në komunitetin dentar në të gjithë botën. Në një kërkim të publikuar në Journal of the American Dental Association, Bakaeen et al. Kanë kryer një studim transversal për të vlerësuar njohjen, qëndrimin dhe sjelljen e dentistëve përballë COVID-19 dhe impaktin e tij në situatën ekonomike të studimeve.
Një pyetësor është shpërndarë nëpërmjet postës elektronike dhe platformave të rrjeteve sociale te dentistët e Amerikës Veriore, Evropës, Mesdheut lindor dhe rajoneve të Paqësorit perëndimor.
Sondazhi parashikonte pyetje mbi karakteristikat demografike dhe mbi epideminë e COVID-19 që lidhej me nivelin e komfortit të dentistëve, mbi masat parandaluese dhe sigurinë, mbi ofrimin e kurave, mbi impaktin në punë dhe mbi implikimet ekonomike. Përgjigjet janë regjistruar dhe analizuar nëpërmjet testit Chi-square ose Fisher. Testi i Mann-Whitney dhe testi i Kruskal-Wallis janë përdorur për të krahasuar mesataret. Një vlerë P më e ulët se 0,05 është konsideruar e rëndësishme.

Kërkuesit thonë se profesionistët dentarë mund të kryejnë një rol të rëndësishëm në parandalimin e transmetimit të COVID-19. Udhëzimet e përshtatura tashmë në stomatologji për kontrollin e infeksioneve nga HIV/AIDS mund të kenë ndaluar përhapjen e epidemisë së rëndë respiratore të 2003, koronavirusit SARS, në fushën stomatologjike.
Kësaj i shtohet edhe fakti që ky i fundit ka hasur një shkallë të ulët përhapjeje virale në fazën prodromike.
Autorët kanë zbuluar një mungesë shqetësuese të përgatitjes nga ana e komunitetit dentar për të përballuar një sëmundje respiratore shumë infektive që përhapet nëpërmjet aerosolit, spërklave dhe rrugëve të kontaktit pavarësisht eksperiencave të mëparshme.

Përveç kësaj përhapja e SARS-CoV-2 verifikohet në fazat e ndryshme të sëmundjes, duke përfshirë pacientët presimptomatikë dhe asimptomatikë, udhëzimet e fundit të miratuara nga ADA (relativisht për përdorimin e maskave dhe mbrojtëseve të fytyrës) sugjerojnë përdorimin e respiratorëve në nivelin më të lartë gjatë trajtimit te të gjithë pacientët duke supozuar që mund të transmetojnë sëmundjen.
Kjo është një këmbanë alarmi për mësuesit dhe profesionistët e linjës së parë, duke përfshirë edhe specialitetin më të fundit të njohur nga ADA atë të anestezisë dentare që ofron asistencë direkt në kontakt me rrugët e ajrit dhe sistemin respirator.
Autorët nënvizojnë rëndësinë e disa pikave kyçe për të përballuar këtë situatë pandemike dhe ato që mund të vijnë:
- roli që specialistët e shëndetit publik mund të kryejnë nëpërmjet monitorimit të popullsisë dhe identifikimit të individëve të sëmurë;
- nevoja për një përgatitje më të mirë të dentistëve aktualë dhe atyre të ardhshëm relativisht në një nivel të ri masash mbrojtëse në sistemin dentar për të përballuar këtë shpërthim dhe sëmundje të tjera të ngjashme në të ardhmen e për të përmirësuar rolin në teledentistri;
- nevoja që profesionistët të përshtatin një qasje të re të menaxhimit që e bën ekonomikisht të përballueshme një situatë kritike që vendos kufizime mbi shërbimet për një periudhë të konsiderueshme.

Për më shumë informacione:
Bakaeen LG, Masri R, AlTarawneh S, Garcia LT, AlHadidi A, Khamis AH,Hamdan AM, Baqain ZH. Dentists knowledge, attitudes and professional behavior towards COVID-19 pandemic: a multi-site survey of dentists perspectives. J American Dental Association2020; doi: https://doi.org/10.1016/j.adaj.2020.09.022.

Përktheu: Valbona Spahia