Llojet e testeve për Covid-19

Poliklinika universitare “A. Gemelli Irccs” ka realizuar një dokument nëpërmjet të cilit nxjerr në pah llojet e testet të disponueshme dhe ku duhen kryer

Me shtimin e infektimeve nga Covid-19 është bërë gjithnjë e më shumë thelbësor roli i testimeve diagnostikuese për gjurmimin e kontakteve dhe duke marrë në konsideratë numrin në rritje të testimeve që janë të disponueshme, Poliklinika universitare "A. Gemelli Irccs" ka realizuar një dokument "Testimet për diagnotikimin e Sars-CoV-2. Çfarë informacionesh japin dhe ku kryhen", për të sqaruar situatën. Dokumenti është realizuar me ndihmën e profesor Maurizio Sanguinetti, drejtor i Departamentit të Shkencave në laboratorin infektivologjik të Poliklinikës dhe president i Shoqërisë evropiane të mikrobiologjisë klinike dhe sëmundjeve infektive (Escmid). Testimet kryesore janë si në vijim:

1) Testi molekular (test RT-PCR)
Është ai që është kryer deri më tani në materialin e marrë nga tamponi nazo-faringeal. Koha mesatare e marrjes së rezultatit është rreth 12-24 orë por, në rast se ka shumë kërkesa, mund të duhen disa ditë. Ky është testi i referimit të përkufizimit në rastin e Covid-19.
Çfarë tregon: Lejon që të diagnostikohet një infeksion nga koronavirusi i ri në fazën aktive dhe kryhet në Laboratorët e autorizuar në nivel kombëtar.

2) Testi molekular i pështymës (RT-qPCR, protokolli SalivaDirect i Universitetit të Yale)
Kërkon praninë e virusit në pështymë, që merret nga goja nëpërmjet një tamponi ose provëze. Prokotolli i ri i grumbullimit ka avantazhe të ndryshme: eliminon bezdinë e tamponit nazo-faringeal, mbron profesionistët shëndetësorë nga ekspozimi i mundshëm ndaj virusit, kalon problemin e mungesës së tamponëve nazo-faringealë. Por ekzistojnë aspekte që duhen sqaruar, në fakt nuk është e qartë nëse sistemi mund të implementohet në platforma diagnostikuese me automatizim të lartë që normalisht përdoren për menaxhimin e një numri të madh kampionesh njëkohësisht. Duhet pasur parasysh edhe që testi është vlerësuar në një popullsi me prevalencë të lartë, pra janë të nevojshme studime të tjera për një konfirmimim përfundimtar. Sidoqoftë ky testim kryhet vetëm në laboratorë të certifikuar dhe specializuar. Për momentin është i disponueshëm vetëm në SHBA.

3) Testi antigjenik (i quajtur edhe "tamponi i shpejtë")
Ky test kryhet me materialin e marrë nga tamponi nazal (ose nazo-faringeal); përgjigjja merret në më pak se një orë, shpesh mjaftojnë 20 minuta). Një rezultat pozitiv përgjithësisht është i pritshëm ndërkohë që për shkak të ndjeshmërisë së ulët molekulare është e mundur që të merren rezultate false mbi negativët, prandaj duhet të kryhet te popullsitë ku incidenca e të sëmurëve është e ulët (më pak se 5%).
Çfarë tregon: Nëse del pozitiv nënkupton që kemi një infeksion aktiv nga koronavirusi (por siç u përmend është në gjendje të përjashtojë me siguri praninë e infeksionit, në rast se rezulton negativ). Ky test kryhet në aeroporte ose në portet kryesore pas mbërritjes.

4) Testi i antitrupave (testi serologjik i gjakut)
Ky test kryhet duke marrë një kampion gjaku ose një pikë gjaku nga gishti. Rezultati del për rreth 20 minuta (kur gjaku merret nga gishti) ose në harkun e disa ditëve (kur merret një kampion gjaku). Është e rëndësishme që të sqarojmë që të dyja mënyrat nuk mbivendosen. Metoda e marrjes së gjakut nga gishti është më pak e saktë (prania e rezultateve të shumta false për pozitivët) dhe rezultati i marrë duhet të konfirmohet me një tjetër test të kryer me kampion gjaku.
Çfarë tregon: Nëse është pozitiv, indikon që kemi qenë të ekspozuar ndaj virusit në të shkuarën, por nuk është në gjendje të thuhet nëse ende kemi një infeksion në fazë aktive (pra nëse mund të infektojmë të tjerët). Kryhet në spital ose në qendrat diagnostikuese private të autorizuara.

Përktheu: Valbona Spahia