Maskat dhe shëndeti oral

Nga SIdP vijnë këshillat që i duhen dhënë pacientëve dhe mënyra sesi t’ja shpjegoni atyre pasi përdorimi për një kohë të gjatë i maskave do të sillte në mënyrë indirekte probleme të gingivave dhe dhëmbëve.

Nor. Mac.

Fakti që nuk ka evidenca shkencore që mund të indikojnë një risk për shëndetin oral që lidhet me përdorimin për një kohë të gjatë të maskave, nuk nënkupton që nuk duhet t'i kushtojmë vëmendje shëndetit oral dhe që risku nuk ekziston.
"Edhe pse ende nuk kemi një evidencë shkencore të qartë mbi këtë argument, është mbi të gjitha intuitive që të njohim që disa aspekte të tipit higjienik mund të kushtëzojnë shëndetin oral dhe atë gjeneral për shkak të qëndrimit për një kohë të gjatë të maskës përpara gojës," - thotë Nicola Marco Sforza, president i SIdP në agjencinë ANSA që më tej shton:
"Vendosja e maskës mbrojtëse, kirurgjikale ose asaj FFP2 paraqet pa dyshim një masë mbrojtëse për Covid dhe përdorimi i saj është rregulluar sipas kushteve te ndryshme mjedisore."
Ndër problemet që hasen për shkak të përdorimit të zgjatur të maskës dhe vështirësisë për tu hidratuar janë edhe ato që lidhen me shëndetin oral: ndërmjet të cilave reduktimi i mundshëm i prodhimit të pështymës, formimi i erës së keqe të gojës që shkaktohet edhe nga ushqimi i mbetur nëpër dhëmbë dhe pllaka bakteriale.

SIdP indikon disa rregulla të thjeshta që mund t'i sugjerohen pacientëve.
Sapo të jetë e mundur duhet të hiqet maska, në mënyrë të sigurt dhe të hidratohemi gjatë ditës, duke pirë një sasi uji jo më pak se 1-1,5 litra në ditë," - thotë Sforza, duke shpjeguar se kjo lejon që të ruhet aktiviteti normal qelizor dhe mirëqenia e përgjithshme.

"Pas çdo vakti është thelbësore që të heqim mbetjet e ushqimit dhe pllakën bakteriale me një larje dhëmbësh prej 2 minutash me furçën e dhëmbëve (më mirë nëse e kemi furçë elektrike) si edhe pastrimin e hapësirave ndërdhëmbore me furçën interdentare apo fill, përpara se të rivendosim maskën.
"Vëmendje të veçantë," - vijon Sforza - "i duhet kushtuar maskave prej cope, që mund të kenë një aktivitet të moderuar filtrues dhe të jenë njësoj mbrojtëse në kushtet e socializimit normal dhe jo profesional, edhe pse duhet mbajtur mend që nëse përdoren për shumë orë mund të kthehen në një bartëse mikroorganizmash. Prandaj duhet ndërruar shpesh dhe të lahet me detergjentët e përshtatshëm dhe ujë të ngrohtë."

Por mesazhi përfundimtar që presidenti Sforza lancon nëpërmjet ANSA është ai që sidomos në epokën e Covid-it është thelbësore që të ruajmë një higjienë të mirë orale në shtëpi dhe të ndjekim një stil jetese të shëndetshëm për të mbrojtur buzëqeshjen.
Përktheu: Valbona Spahia