Përdorimi i maskës nuk shkakton patologji orale

Konfirmimet e Urdhërit spanjoll të dentistëve për pacientët e shqetësuar për efektet e presupozuara të përdorimit të zgjatur të maskave te respirimet dhe shëndetin oral, sidomos halitosis

Halitosis, goja e thatë, dhëmbë me njolla janë disa nga shqetësimet orale që disa persona i atribuojnë përdorimit të maskës: por nuk ekzistojnë prova shkencore që tregojnë lidhjen e maskës me shfaqjen e këtyre patologjive orale dhe prandaj në situatën aktuale pandemike, Consejo General de Dentistas spanjoll rekomandon popullin që të vazhdojë ta përdorë atë.

Në gojë jetojnë miliona baktere që i përkasin pothuajse 300 familjeve të ndryshme. Mungesa e oksigjenit mund të ndryshojë ekuilibrin, e quajtur simbiozë dhe të provokojë një çekuilibër (disbiozë) ku mund të zhvillohen dhe të mbizotërojnë disa baktere më patogjene. Megjithatë, është shumë pak e mundshme që kjo situatë e mungesës së oksigjenit të verifikohet në kushtet normale të përdorimit të maskave.
Për këtë arsye, Óscar Castro Reino, president i Consejo General de Dentistas, siguron që përdorimi i maskës dhe supozimi për mungesën e oksigjenit nuk janë shkaqe për halitosis: "Duke mbajtur maskën, një pjesë e ajrit që ekspirojmë qëndron për një kohë të gjatë në kontakt me sistemin tonë olfaktiv. Për këtë arsye, disa persona mendojnë se ky problem ju është krijuar tani, por në të vërtetë ka qenë i pranishëm më parë thjesht nuk e kanë vënë re."
Gjithashtu rikujtojnë që maskat duke u përdorur prishen; ato kirurgjikale për shembull duhet të hidhen pas 4 apo 6 orësh përdorimi sepse në rast të kundërt do të grumbullojnë pështymë, duke e humbur efikasitetin e tyre dhe duke shtuar erën e pakëndshme.

Rëndësia e higjienës dhe ruajtjes së zakoneve të shëndetshme
Fakti që duhet të mbajmë maskën dhe të fshehim gojën nuk duhet të na bëjë që të harrojmë zakonet e mira të higjienës orale. Një larje me furçë në mënyrën e duhur duhet të kryhet të paktën 2 herë në ditë me një pastë me përmbajtje fluori, si dhe të shoqërohet me përdorimin e fillit interdentar. "Duhet të mbajmë mend,"- vijon Óscar Castro Reino, - "që mukoza orale është një nga rrugët hyrëse të koronavirusit. Ndaj mbajtja e një goje të shëndetshme është thelbësore."
Për më tepër tani më shumë se kurrë është e rëndësishme që furça e dhëmbëve pas përdorimit të pastrohet mirë, të shpëlahet dhe ujë të bollshëm dhe të thahet, duke i vendosur më pas kapuçin për ta mbuluar, por edhe të mos ndahet me një person tjetër e të ruhet larg aksesorëve të tjerë të tualetit. Në fund të kësaj procedure të lahen mirë edhe duart.

Gjithashtu është e rëndësishme të ruhen zakone të shëndetshme ushqimore, të reduktohet konsumi i produkteve me sheqer dhe të shmanget përdorimi i alkoolit dhe duhanit.
Në fund, presidenti Castro rekomandon që t'i drejtoheni dentistit për çdo shqetësim të kavitetit oral në mënyrë që të përballeni me problemin sa më shpejt të jetë e mundur: "Pjesa më e madhe e patologjive orale ka nevojë për një trajtim të thjeshtë nëse diagnostikohet përpara kohe." - përmbyll ai.

Përktheu: Valbona Spahia