Covid-19: risku i infektimit nga asimptomatikët

Një studim i publikuar në JAMA Network Open ka kërkuar të kuptojë nëse mund të infektohemi nga SARS-Cov-2 kur gjendemi në një dhomë të vogël me një individ të prekur nga COVID-19, nëse është asimptomatik

Sipas një studimi të publikuar në JAMA Network Open, një mbrojtje respiratore mund të jetë e nevojshme për të shmangur infektimin me SARS-Cov-2 kur gjendemi në një dhomë me një individ të prekur nga ai, edhe nëse është asimptomatik, veçanërisht kur qëndrojmë për periudha të gjata.
"Është sinjalizuar se individët me sëmundje asimptomatike ose të lehtë shpesh e transmetojnë sëmundjen edhe pa pasur kontakt direkt dhe SARS-Cov-2 është zbuluar në përqendrime shumë të larta në tamponët dhe kampionet e sekrecioneve të këtyre individëve," - shpjegojnë Michael Riediker dhe Dai-Hua Tsai, nga Swiss Centre for Occupational and Environmental Health, Winterthur, Zvicër, autorë të studimit.

Kërkuesit kanë vlerësuar nivelet e virusit që lëshohen nga individët me COVID-19 asimptomatikë ose me simptoma të lehta në përmasa të ndryshme të aerosolit nëpërmjet respirimit normal dhe kollës së stimuluar dhe kanë përcaktuar nëpërmjet modeleve se cili ekspozim mund të verifikohet në një dhomë prej 50 m2 me shpejtësi të ndryshme ventilimi, ku qëndrojnë këto individë.
Analiza e të dhënave ka treguar se ngarkesa virale e vlerësuar mesatarisht te mikrospërklat e nxjerra gjatë respirimit të rregullt ishte 0,0000049 çifte/cm3, ndërsa për individët me kollë ishte mesatarisht 0,277 çifte/cm3 për çdo kollitje.
Përqendrimet e vlerësuara në një dhomë me një individ që kollitej shpesh ishin shumë të larta me një maksimum prej 7,44 milionë çifte/m3 për personat që emetonin një ngarkesë të lartë virale. Megjithatë, respirimi i rregullt i këtyre personave ka treguar se shkakton në dhomë përqendrime të rëndësishme por shumë më të ulëta, deri në 1.248 çifte/m3.

"Respirimi dhe kollitja e një individi me COVID-19 lëshojnë mijëra apo miliona çifte virusi për metër kub në një dhomë, sipas ngarkesës virale, të ventilimit dhe procesit të formimit të mikrospërklave," afirmojnë autorët. Praktikisht, risku infektiv i vlerësuar që përfaqësohet nga një person me ngarkesë tipike virale shumë të lartë paraqet një risk për infektimin në ambiente të mbyllura me pak ventilim.
Ekspertët përmbyllin se duhet sugjeruar nevoja për të mbrojtur rrugët respiratore kur jemi në një dhomë me një person me COVID-19.

Për më shumë informacione:
JAMA Netw Open. 2020;3(7). Estimation of Viral Aerosol Emissions From Simulated Individuals With Asymptomatic to Moderate Coronavirus Disease 2019. Michael Riediker; Dai-Hua Tsai.

Përktheu: Valbona Spahia