Emergjenca nga COVID-19: Krahasimi ndërmjet SARS-CoV-2 dhe SARS-CoV-1 tek aerosoli dhe në qëndrueshmërinë e tij në sipërfaqe të ndryshme

Autorët: L. Breschi, S. Chirico

Në të gjithë botën po zhvillohet një betejë e fortë kundër COVID-19. Numrat janë vërtetë shqetësues, për shkak të fuqisë së madhe infektuese të virusit.
Duke u fokusuar në aspektin dentar, siç është paraqitur nga studime shkencore të shumta, dentistët janë kategoria më e riskuar për infektim, për shkak të aftësisë së koronavirusit për të qëndruar në aerosol dhe në sipërfaqe të ndryshme.
Ky aspekt u ekzaminua veçanërisht në studimin e publikuar në "The New England Journal of Medicine", ku autorët krahasuan qëndrueshmërinë e virusit SARS-CoV-2 (virusi i pandemisë aktuale) dhe SARS- CoV-1 (përgjegjës i epidemisë në 2003) në pesë mjedise: aerosol, plastikë, çelik, bakër dhe letër.

Rezultatet e mostrave të ndryshme janë si në vijim:
- Aerosol: SARS-CoV-2 qëndronte në aerosol për 3 orë, me një reduktim në titrin infektiv nga 103.5 në 102.7 TCID50 për litër ajri. SARS-CoV-1 ka një reduktim të ngjashëm, nga 104.3 në 103.5 TCID50 për milimetër.
- Plastikë: SARS-CoV-2 u detektua për më shumë se 72 orë pas aplikimit në këto sipërfaqe, por titri i virusit u reduktua nga 103.7 në 100.6 TCID50 për milimetër kulture pas 72 orësh. Qëndrueshmëria kinetike e SARS-CoV-1 ishte e ngjashme, nga 103.4 në 100.7 TCID50 për milimetër.
- Çelik: SARS-CoV-2 u detektua për më shumë se 48 orë pas aplikimit në këto sipërfaqe, por më pas titri i virusit u reduktua nga 103.7 në 100.6 TCID50 për milimetër kulture. Qëndrueshmëria kinetike e SARS-CoV-1 ishte e ngjashme, nga103.6 në 100.6 TCID50 për milimetër.
- Bakër: asnjë SARS-CoV-2 aktiv nuk u mat pas 4 orësh dhe asnjë SARS-CoV-1 aktiv nuk u mat pas 8 orësh.
- Letër: asnjë SARS-CoV-2 aktiv nuk u mat pas 24 orësh dhe asnjë SARS-CoV-1 aktiv nuk u mat pas 8 orësh.

Konkluzione
Të dy viruset kanë një titer rënieje pas një periudhe në të gjitha kushtet eksperimentale. Gjysmë-jetët e SARS-CoV-2 dhe SARS-CoV-1 ishin të ngjashme tek aerosolët, plastika dhe çeliku. Ndërsa te letra gjysmë-jeta e SARS-CoV-2 ishte më e gjatë se e SARS-Cov-1. Gjendja aktive më e gjatë e të dy viruseve ishte te çeliku dhe plastika. Kjo indikon se diferencat në karakteristikat epidemiologjike të këtyre viruseve ndoshta rriten nga faktorë të tjerë, duke përfshirë ngarkesat e larta virale në traktin e sipërm respirator dhe potencialin e shpërndarjes dhe transmetimit të virusit nga personat me SARS-CoV-2 ndërkohë që janë asimptomatikë.

Përktheu: Valbona Spahia