Pajisjet për mbrojtjen personale të indikuara për shërbimet stomatologjike dhe si ta kuptojmë që janë në normë

Cilat janët sistemet mbrojtëse të mbrojtjes që janë parashikuar nga indikacionet ministeriale italiane dhe si ta kuptojmë që ato që kemi blerë janë në përputhje me normat e parashikuara

Dokumenti që i është dërguar Ministrisë së Shëndetësisë në Itali nga mbledhja e teknikëve qartëson pajisjet për mbrojtjen personale që duhen përdorur dhe cilat janë ato, duke cilësuar jo vetëm tipologjinë por edhe shënimin CE dhe normativën UNI. Me ekspertin Andrea Tuzion, nga shoqëria e konsulencës në fushën shëndetësore Alter Ingegneria, konsulent i OMCEO Romë dhe bashkëautor i librit "Le infezioni dello studio odontoiatrico" shtëpia botuese EDRA, kemi kërkuar që t'i japim fund dyshimeve të shumta që po torturojnë profesionistët e sektorit në lidhje me blerjen e pajisjeve për mbrojtjen idividuale që janë në normë.
Dhe në lidhje me këtë temë gjatë këtyre ditëve kronikat na kanë treguar veprimet e kryera nga forcat e rendit italian që kanë sekuestruar mijëra maska duke filluar nga ato kirurgjikale e deri tek ato FFP2/FFP3 që nuk kanë qenë të rregullta dhe të përshtatshme për shitje (për shembull nuk kanë pasur certifikimin CE).
Por çfarë duhet të kontrollojmë përpara se të blejmë pajisjet për mbrojtjen personale?
"Shënimi CE është i detyrueshëm dhe tregon që është në përputhje me kërkesat e sigurisë që janë parashikuar nga Rregullorja (UE) 2016/425", - qartëson dr. Tuzio.
"Ky shënim (së bashku me referimet e normës teknike) duhet të jetë në çdo pajisje në mënyrë të dukshme, të lexueshme qartë dhe që nuk mund të fshihet. Kurdo që kjo nuk është e mundur atëherë shenja CE duhet të vendoset në paketim dhe në dokumentet shoqëruese të pajisjes."
Eksperti shpjegon se dekreti "Cura Italia" që është konvertuar në ligj në prill të këtij viti ka parashikuar edhe dy procedura të ndara të vlerësimit, një për maskat kirurgjikale (nëpërmjet Institutit të Lartë të Shëndetësisë) dhe një për pajisjet për mbrojtjen personale (nëpërmjet INAIL). Heqja i përket procedurës së autorizimit për hedhjen në treg apo kohës por jo standardeve të cilësisë së produkteve që do prodhohen, importohen apo tregtohen, të cilat duhet të jenë në përputhje me teknikën e mbrojtjes dhe sigurisë sipas normave në fuqi.
Pra do të jetë e mundur që në këtë periudhë emergjence, të gjejmë në treg produkte pa shënimin CE por që përmbushin standardet e tjera ndërkombëtare, si për shembull N95 (SHBA) ose KN95 (Kinë), që janë ekuivalente me standarditn evropian FFP2.
"Çdo tipologji tjetër maskash që gjenden në treg, që nuk klasifikohet si pajisje për mbrojtjen personale apo si pajisje mjekësore, mund të prodhohet në gjendjen e emergjencës nga COVID-19 dhe është në përgjegjësinë e prodhuesit pa vlerësim nga Instituti i Lartë i Shëndetësisë dhe INAIL. Maskat që nuk janë klasifikuar si pajisje për mbrojtjen personale apo si pajisje mjekësore nuk mund të përdoren në ambiente shëndetësore sepse nuk verifikojnë përputhshmërinë me kërkesat e parashikuara nga normat tenike."
Ing. Tuzio shton se në këtë fazë kur është e vështirë që të marrësh pajisje për mbrojtjen personale në treg këshilla është që të blihen nga kanale të sigurta, duke verifikuar nëse kanë certifikimet e duhura dhe në rastin kur nuk kanë shënimin CE të verifikohet në uebsitin e INAIL ose të ISS që prodhuesi apo importuesi ka marrë miratimin përkatës.
"Përgjegjshmëria për furnizimin me pajisje për mbrojtjen personale të punonjësve është detyrë e titullarit të klinikës," - kujton Ing. Tuzio. Në vijim do të shpjegohen pajisjet për mbrojtjen personale që janë indikuar nga mbledhja e teknikëve për procedurat që duhen përshtatur në këtë fazë të dytë të emergjencës nga COVID-19.

Maskat kirurgjikale
Kanë si qëllim që të shmangin kontaminimet e ambientit, sepse limitojnë transmetimin e agjentëve infektivë dhe futen në grupin e pajisjeve mjekësore jo të pajisjeve për mbrojtjen personale.
Megjithatë, dekreti "Cura Italia" ka vendosur që deri në fund të gjendjes së emergjencës, maskat kirurgjikale do të konsiderohen si pajisje për mbrojtjen personale, të përshtatshme për të mbrojtur profesionistët e shëndetit. Sipas dokumentit të indikacioneve ministeriale italiane ato duhet të vihen vetëm në fazën e:
A.Pritjes së pacientit në sallën e pritjes;
B.Kryerjes së praktikave administrative me pacientin;
C.Gjatë fazave të tjera të dekontaminimit, larjes, dezinfektimit dhe sterilizimit të pajisjeve që mund të ripërdoren (nëse nuk përdoren agjentë kimikë, sepse në këtë rast këshillohet maska FFP2);
D.Në menaxhimin e mbetjeve shëndetësore;
E.Ndërmjet profesionistëve kur mbahet distanca prej 1 metri.

Maskat kirurgjikale përputhen me normën UNI EN 14683:2019 dhe kanë një fuqi filtruese drejt ambientit të jashtëm me të paktën 90% ndërsa nga ambienti i jashtëm drejt atij që i mban rreth 20%. Pra mbrojnë më shumë të tjerët sesa personin që e mban.

Maskat FFP2 dhe FFP3
Janë pajisjet për mbrojtjen personale që mbrojnë më mirë rrugët respiratore nga COVID-19 dhe duhet të përmbushin kriteret që kërkohen nga norma teknike UNI EN 149:2009. Përsa i përket fuqisë filtruese që FFP2 kanë kundrejt ambientit të jashtëm apo edhe kundrejt personit që i mban ato arrin deri në 94% ndërsa për FFP3 është pothuajse absolute (99%).
Sipas dokumentit me indikacionet ministeriale, këshilla është që të përdoren për çfarëdo lloj aktiviteti klinik të paktën maskat FFP2 pa valvulë. Maskë e cila mund të mbahet përgjatë gjithë ditës duke qenë se duhet përdorur edhe mbrojtësja e fytyrës. Por Ing. Tuzion shton se "duhet verifikuar gjithmonë maska (nuk duhet të futet ajër nga anët e saj dhe duhet të lejojë respirimin normalisht, pa një rritje të ngadaltë të rezistencës respiratore); duhet të kontrollohet që nuk ka dëmtime ose njolla gjaku apo likidesh të tjera biologjike.

Mbrojtëset e fytyrës dhe syzet
Mbrojta e syve është një tjetër aspekt që duhet respetuar duke parë se është e mundur që të marrim virusin nëpëmjet tyre. Në dokumentin me indikacionet ministeriale parashikohet përdorimi i syzeve mbrojtëse (pajisje për mbrojten individuae të kategorisë II) gjatë vizitave te pacientët e padyshuar/të mundshëm/të konfirmuar; gjatë manovrave të pastrimit të ambienteve ose gjatë fazave të larjes dhe dezinfektimit të pajisjeve të punës apo pajisjeve që mund të përdoren sërish; gjatë fazave administrative kur nuk është e mundur të ruhet distanca prej 1 m ndërmjet profesionistëve.
Përsa i përket mbrojtëseve të fytyrës (pajisje për mbrojtjen idividuale të kategorisë III), ato përdoren sa herë që parashikohet prodhimi i aerosolëve duke mbrojtur të gjithë fytyrën dhe duke shtuar kështu mbrojtjen e profesionistit. Mbrojtësja e fytyrës për më tepër parandalon prekjet e pavullnetshme të fytyrës me duar (për shembull, për të rregulluar syzet apo maskën gjatë seancave të trajtimeve), të cilat përcaktojnë një shtim të riskut të infektimit për profesionistin.
Këto pajisje për mbrojtjen personale nëse kanë shënimin CE, duhet të respektojnë normat UNI EN 166:2004.

Përparëset njëpërdorimshme, kapuçi dhe këpucët
Ndërmjet pajisjeve për mbrojtjen personale që janë idnikuar si të nevojshme për të trajtuar pacientin gjatë fazës klinike, është indikuar edhe përparësja:duhet të jetë e papërshkueshme nga uji dhe të zëvendësohet pas çdo pacienti (UNI EN 14126:2004 dhe UNI EN ISO 13688:2013). Dokumenti i Ministrisë Italiane të Shëndetësisë indikon se është e mundur që të përdoret në alternativë, kompleti që shmang përdorimin e kapuçëve dhe këpucëve pasi e mbulon të gjithë profesionistin. Materiali i përparëseve njëpërdorimshme dhe i të gjithë kompleteve duhet të jetë TNT, në rastin kur janë njëpërdorimësh. Si alternativë është e mundur të përdoren, përparëset dhe kompletet në TTR që lejojnë ripërdorimin deri në 80 herë pas sterilizimit në autoklavë mundësisht 121 °C. Gjithashtu është këshilluar përdorimi i mëngëve njëpërdorimshe me lidhëse në TNT sepse garantojnë një mbrojtje më të madhe dhe zvogëlojnë mundësinë e rrotullimit të përparëses. Përsa i përket kapuçëve në treg mund të gjenden në materialin TNT ose në pambuk, këto të fundit mund të ripërdoren. Në fushën shëndetësore sigurisht indikohen ato në TNT njëpërdorimshme. Kapuçi duhet të vihet gjatë çdo procedure stomatologjike. Mbrojtja e profesionistit nga spërklat apo nga rënia e aerosolit sigurohet vetëm nëse veshja është e klasifikuar si pajisje për mbrojtjen personale.

Dorezat
Dorezat duhet të vishen në çdo procedurë operative. Indikacionet e ministrisë këshillojnë edhe aplikimin e një dezinfektanti pasi vishen dorezat. Rekomandohet që të hiqen dhe të lahen duart në fund të çdo procedure. Është e mundur që të përdoren doreza sterile. Normat UNI për dorezat janë UNI EN 420:2010, UNI EN ISO 374-5:2017, UNI EN ISO 374-2:2020 e UNI EN 455:2015.

Përktheu: Valbona Spahia