| 8 Maj 2020 |

Eksperienca nga Stomatological Hospital në Wuhan

Cilat DPI dhe cilat procedura janë përshtatur në çdo fazë klinike edhe sipas tipit të profesionistit të interesuar. Indikacionet kanë ardhur nga një Webinar me prof. Zhuan Bian

Nga Davis Cussotto

Ndërmjet udhëzimeve të shoqatave të ndryshme nëpër botë për të garantuar sigurinë e pacientëve dhe profesionistëve, veçanërisht interesante janë ato të Stomatological Hospital në Wuhan të drejtuar nga prof. Zhuan Bian.  
Aspektet më të rëndësishme të protokollit janë dy: reduktimi drastik derisa të zhduket i infektimit ndërmjet profesionistëve që pas fillimit të pandemisë në janar dhe masat e marra për të krijuar bashkëpunim, solidaritet dhe çarmatim emocional ndëmjet profesionistëve në mjediset klinike. Stomatological Hospital (SH) që është edhe fakulteti dentar i qytetit të Wuhan, kryeqyteti i Hubei (Kinë), i cili në sipërfaqe është i barabartë me 6 fusha futbolli, përdor 430 unite dentare, ka 1089 profesionistë dhe 890 studentë, të cilët së bashku kurojnë 890.000 pacientë në vit.  
Wuhan ka 14 milionë banorë dhe SH disponon në territor 15 klinika satelitore me 165 unite dentare dhe 280 profesionistë. 
I ftuar në një Webinar të organizuar nga SIDO, prof. Zhuan Bian shpjegon se pikërisht në një klinikë satelitore pranë tregut të famshëm të peshkut, janë shfaqur në fund të 2019 infektimet e para ndërmjet personelit duke prekur 3% të profesionistëve. Në klinikat e SH të gjithë pacientët janë konsideruar të infektuar nga dentisti.   
Tani pranimi i një pacienti bëhet pasi kalon intervistën telefonike, kryhet grumbullimi i anamnezës, higjienizimi i duarve dhe i jepet një maskë kirurgjikale që ta vendosë përsa kohë do qëndrojë në sallën e pritjes për të mbyllur procedurat me sekretarinë dhe më pas të futet në dhomën ku do trajtohet. Ndërsa indikacionet për profesionistët janë që të punojnë me 4 duar në mënyrë që të lehtësojnë aspirimin, të përdorin digën e gomës, të reduktojnë procedurat që gjenerojnë aerosol, të ajrosin dhomat dhe të reduktojnë përdorimin e kondicionerit.
Përsa i përket pajisjeve mbrojtëse i kemi paraqitur në tabelën përmbledhëse më poshtë sipas indikacioneve të dhëna nga prof. Zhuan duke i identifukuar për tre role të ndryshme:
1.Sekretaria dhe profesionistët e radiologjisë dentare
2.Profesionistët klinikë që janë në kontakt me pacientin
3.Personat që merren me rregullimet dhe pastrimin.
 
Aktivitetet e profesionistëve klinikë janë ndarë në tre grupe: 
A.Vizita dhe procedura me risk të ulët (scrub dhe maska kirurgjikale, doreza, kapuç, syze ose mbrojtëse fytyre)
B.Procedura me aerosol (scrub dhe maskë me filtra, doreza, kapuç, syze ose mbrojtëse fytyre)
C.Pacientë që dyshohen për COVID-19 ose janë të infektuar me të (veshje mbrojtëse, doreza, kapuç, syze ose mbrojtëse fytyre, qese për këpucët)

Aktiviteti	Sekretaria, radiologjia dentare	Vizita dhe procedura me risk të ulët	Procedura me aerosol	Pacientë me COVID-19 të dyshuar ose të konfirmuar	Personat që merren me pastrimin
Higjiena e duarve	V	V	V	V	V
Maska kirurgjikale	V	V
Maska me filtra (N95)　　1	N	O	V	V	V
Mbrojtësja e fytyrës	O	O	V	V	N
Syze	O	V	V	V	V
Doreza	V	V	V	V	V
Scrub 2	V	V	V	V	V
Përparësja kirurgjikale 3	N	N	O	N	V
Veshje mbrojtëse　4	N	N	O	V	O
Kapuç	V	V	V	V	V
Qese për këpucë	N	O	V	V	V

Legjenda:
 "V" - Rekomandohet;
"N" - Nuk rekomandohet;
"O" - Opsionale.

Disa shënime terminologjike:
- Maskat me kodin N95 që janë identifikuar nga amerikanët si maska me filtra i përkasin FFP2 sipas standardit evropian.
- Scrub është uniforma kirurgjikale universale, me pantallona dhe bluzë kryesisht pambuku.
- Përparësja kirurgjikale (isolation gown në anglisht) është TNT-ja që lidhet në pjesën e pasme.
- Veshjet mbrojtëse janë kominoshet "alla kineze" që mbrojnë profesionistët.

Por konsiderata më e rëndësishme mendoj se është në rëndësinë që i kushtohet faktorit human në mjedisin klinik. Është eksperienca e të gjithëve ne që jemi titullarë në klinikë, që të merremi edhe me ngarkesat emocionale të personelit dhe të bashkëpunëtorëve tanë që në këto javë pandemie kanë qenë mjaft të mëdha. 
Të edukojmë dhe të informojmë duke përfshirë ekipin e punës është një aktivitet kompleks por nga ai varet siguria e të gjithë pacientëve dhe e jona gjithashtu.
Seksionet e trajnimit që realizohen çdo mëngjes përpara fillimit të punës në SH janë thelbësore. Informimi për mekanizmat e transmetimit të infeksionit te pajisjet është i rëndësishëm për mbrojtjen personale dhe të pacientëve. Njësoj siç ndihmon përdorimi i praktikave të ndërgjegjësimit (Tai Chi) për shkarkimet emocionale të grupit të punës, duke krijuar bashkëpunim dhe solidaritet ndërmjet tyre. Çdo njëri nga ne duhet të marrë parasysh se nga një gjest i vogël, si për shembull vendosja mjeteve në autoklavë në mënyrën e duhur, varet shëndeti i të gjithëve!

Përktheu: Valbona Spahia