Vëmendja që i duhet kushtuar unitit dentar dhe pajisjeve të tjera të klinikës përpara rifillimit të punës

Maurizio Quaranta, Astidental, na liston gjërat që duhen kontrolluar dhe aktivitetet që duhen zhvilluar në klinikë pas rifillimit të punës.

Duke qenë në prag të rifillimit të aktivitetit në klinikat dentare, parandalimi i infektimit nga koronavirusi dhe mbrojtjet indivudale që duhen përshtatur mund të na e heqin vëmendjen nga një tjetër aktivitet që duhet zhvilluar në klinikë: mirëmbajtja e unitit dentar dhe pajisjeve të tjera të klinikës.
Për klinikat dentare që nuk kanë kryer urgjenca gjatë kësaj periudhe, uniti dentar, autoklavat, dorezat e pajisjeve apo turbinat kanë më shumë se një muaj që nuk janë vënë në punë dhe përpara se t'i rivendosim në punë duhen kryer procedurat e nevojshme.
"Janë procedura të nevojshme dhe në shumë raste nevojiten për të mos dëmtuar pajisjet por edhe për të garantuar një siguri më të lartë nga pikëpamja e infeksioneve, sidomos në qarkun hidrik të unitit dentar ku uji që ka qëndruar aty gjatë gjithë kësaj periudhe mund të ketë favorizuar për shembull rritjen e biofilmit, me koloninë relative të baktereve, duke përfshirë legionellën," - ka thënë Maurizio Quaranta, këshilltar i ANCAD dhe Linde Specialist Astidental.
Ka qenë pikërisht Astidental që javët e fundit i ka dërguar klientëve të saj një seri listash kontrolli me të gjitha procedurat që duhen kryer përpara se të rifillojnë aktivitetin. "Këshilla është ajo që t'i dedikojnë të paktën 1 ditë rishikimit të pajisjeve dhe në rast se ka diçka që nuk është e qartë ose supozohet për probleme të kontaktohet asistenca përkatëse," - këshillon Quaranta.
Procedurat dhe verifikimet që këshillohen përpara rifillimit janë si një vijim:

Makineritë në sallë

Veçanërisht në këtë periudhë i duhet kushtuar shumë vëmendje ajrit në klinikë dhe ndaj është e nevojshme që t'i kushtohet vëmendje maksimale kompresorit dhe aspiratorit, mbi të gjitha nëse ato ndodhen brenda sallave pa ventilim. Duhet të sigurohemi që në mungesë të dritareve, ajri të dalë jashtë nëpërmjet aspiratorëve për të shmangur thithjen e të njëjtit ajër nga kompresori, i cili më pas do e shpërndajë në klinikë nëpërmjet shiringës apo instrumenteve rrotulluese. Ky detaj nuk duhet nënvlerësuar sepse ajri i inhaluar nga zgavra orale e pacientit përcillet deri te motori i aspirimit në makineritë e sallës, duke qenë se sekrecionet zbrazen rregullisht në lavamanin e klinikës..
Kur nuk është e mundur që të gjendet një zgjidhje që ajri i ekspiruar të nxirret jashtë në atmosferë, duhet të përshtatet motori i aspiratorit duke i vendosur një filtër antibakteriale, e cila në periudha si kjo duhet të zëvendësohet të paktën çdo gjashtë muaj

Kompresori

Ja përse është e rëndësishme që në këtë fazë rikthimi ajri i thatë dhe i filtruar të pastrohet dhe të përshtatet për instrumentet stomatologjike. Kompresori kërkon një kontroll të filtrave të testuara dhe të tharëseve.

Nëse kompresori është instaluar në një nga sallat ku ka shumë pluhur, ku mund të thithë pjesëzat solide të rrezikshme për të, do të jetë mirë që të zëvendësohen filtrat gjatë testimit të tij.
Ndërsa nëse e kemi instaluar në një sallë ku ka ajër dhe ambient të përshtatshëm atëherë mjafton që të kontrollohet dhe të pastrohen filtrat me një thithëse pluhurash dhe të dezinfektohet me alkool, nëse nuk ka nevojë që të kryhet procedura e ndërrimit të filtrave siç u shpjegua më sipër.
Të aktivizohet statusi i makinerisë (në kuadrin elektrik të kontrollohet magnetotermiku i cili duhet të jetë ON). Pasi të jetë ndezur kompresori, të kontrollohet rubineti poshtë rezervuarit (të pastrohen mbetjet e kondesuara, nëse kompresori nuk është i pajisur me tharëse).
Në fund, nëse shpërndarja e ajrit në klinikë përkufizohet nëpërmjet një grumbulluesi me rubinetë të ndryshëm për shërbime të ndryshme, të hapen vetëm rubinetët për shërbimet e riaktivizuara.

Aspiratori

Pas veprimeve të mirëmbajtjes së kryer gjatë mbylljes, të procedohet me pastrimin e filtrit që është vendosur në motorin aspirant dhe kurdo që shihet se nuk është në gjendje të përshtatshme, të kryhet zëvendësimi i tij.
Në rastin kur klinika është e pajisur me një motor aspirues me unazë likide, të hapet rubineti i ujit.
Të aktivizohet funksioni i stakimit (të kontrollohet që magnetotermiku të jetë në modalitetin ON).
Të kryhet pastrimi i apsiratorit me dezinfektant.

Instrumentet rrotulluese
Edhe turbinat, dorezat dhe frezëmbajtësit pas një periudhe të gjatë inaktiviteti kanë nevojë për "kurim". Pas kaq ditësh pushim, sidoqoftë të gjitha pajisjet rrotulluese kanë nevojë që të lubrifikohen dhe të vendosen në autoklavë. Lubrifikimi i instrumenteve rrotulluese mund të kryhet me mbështetjen e ndonjë sistemi automatik apo gjysmë-automatik në vend të atij manual. Pavarësisht nga sistemi i përdorur është e rëndësishme që të përdoret gjithnjë e më shumë përshtatësi që në rastin e turbinës, duhet të korrespondojë ekskluzivisht me sistemin e lidhjes së shpejtë që përdoret në unitin dentar. Edhe në këtë rast duhen kryer me kujdes procedurat e indikuara nga prodhuesit, për të shmangur provokimin e dëmtimeve dhe në rastin e instrumenteve të reja edhe humbjen e garancisë.

Uniti dentar

Sipërfaqet e unitit dentar dhe pjesa e poltronit

Mos spruconi produkte direkt në aparaturë! Mos përdorni produkte abrazive!
Pastroni me letër një përdorimshme të lagur me një dezinfektant, lëreni të veprojë dhe më pas pastrojeni me letër të thatë.
Përdorni një produkt të miratuar nga prodhuesi.
Përdorimi i gabuar ose përdorimi i produkteve të pamiratuara mund të dëmtojë aparaturën. Në rastin e papastërtive që nuk hiqen me lehtësi përdorni një sapun neutral dhe më pas shpëlajeni.
Rekomandohet përdorimi i barrierave mbrojtëse të përshtatshme për tastierën e unitit.

Llamba operative

Pastrimi i llambës vetëm kur ajo është në temperaturë ambienti.
Pjesa frontale dhe parabola duhet të pastrohen vetëm me një copë të butë, me ujë dhe sapun neutral.
Sipërfaqet e tjera të llambës të pastrohen siç u përshkrua më sipër për pjesët e tjera të unitit.
Nëse kemi doreza që mund të hiqen, atëherë i heqim ato për një dezinfektim më të mirë në të ftohtë.
Në disa lloje llambash LED, dorezat mund të sterilizohen në të ftohtë ose në autoklavë.
Mos përdorni produkte abrazive!

Kurdo që kryhet procedura e mirëmbajtjes pas kësaj periudhe që pajisjet kanë qëndruar të fikura, të rimontohen filtra të ndryshme dhe të ndizet uniti dentar, duke hapur edhe ajrin edhe ujin e të kryhen më pas veprimet si në vijim:

Larja e tubave të aspirimit

Pastrimi dhe higjienizimi i implantit të aspirimit, duke përdorur hollimin e duhur të produktit ashtu siç shpjegohet në paketimin e produktit me një litër ujë të ngrohtë (40°C).
Përgatitja e solucionit në një enë dhe aspirimi i gjysmës së dozës për çdo pjesë fundore të tubit: zhytja e pjesës në solucion (përreth 2 sekonda) dhe nxjerrja e tij derisa tubi të boshatiset plotësisht.
Kryerja e këtij veprimi disa herë, derisa të aspirohet i gjithë solucioni.
Nëse uniti dentar është i pajisur me një sistem larjeje automatik të tubit të aspirimit, të kryhet një cikël duke përdorur një produkt të përshtatshëm.

Ndarësi i amalgamës me anë të sedimentimit

Kontrollimi i nivelit të sedimenteve nëpërmjet inspektimit viziv direkt, sigurisht me DPI e përshtatshme për rastin.
Kurdo që është e nevojshme të merren masat për porositjen e një filtri të ri.
Edhe në këtë rast të kryhen indikacionet specifike të ofruara nga prodhuesi.

Valvula e shkarkimit të lavamanit

Të pastrohet filtri
Të pastrohet dhe të higjenizohet valvula duke hedhur në lavaman një produkt të përshtatshëm për aspiratorët

Lavamani

Pasi të jetë zbrazur filtri, të shpëlahet me ujë të rrjedhshëm dhe të vendoset dezinfektanti për aspiratorët.

Sistemet automatike apo gjysmë-automatike të higjienës, sigurisht në rastet kur uniti dentar është i pajisur me të përpara përdorimit të tij duhet të zëvendësohet dezinfektanti në rezervuar dhe të kryhet një cikël dezinfektimi sipas indikacioneve të prodhuesit.

Autoklavat

Për autoklavat automatike përpara se të vijojmë me hapjen e rubinetit të ujit që ushqen sistemin e osmozës, është e këshillueshme që të kryhen disa mirëmbajtje të vogla:

Pastrimi i dhomës (veprim që duhet kryer vetëm kur dhoma është plotësisht e ftohtë). Pastrimi i saj duke hequr depozitimet e mundshme apo pluhurat, që të shmangen materialet që mund të krijojnë bllokime në qarkun e shkarkimit. Për një pastrim më të mirë duhet të përdoret ujë i demineralizuar dhe një sfungjer i përshtatshëm. (Mos përdorni kurrë tretës, detergjentë, solucione kimike apo produkte të tjera të ngjashme!)
Pastrimi i filtrit të dhomës: Të tërhiqet lart filtri i rezervuarit duke i kushtuar vëmendje që mos ta dëmtojmë, duke e larë me ujë të demineralizuar dhe ta thajmë me një copë të thatë dhe të pastër. Më pas të rivendoset në vend duke pasur kujdes që të zgjatet rreth 15 mm.
Pastrimi i tabakave dhe mbajtëseve të tyre: Pastrimi me një sfungjer të lagur me ujë të demineralizuar, sërish për të shmangur mbetjet e pluhurit që mund të futen në cikël.
Ndryshimi i filtrit bakteriologjik: Pavarësisht ngjyrës, filtri bakteriologjik duhet të zëvendësohet duke e rrotulluar në kahun antiorar për ta zhvidhosur dhe në kahun orar për ta vidhosur.
Pastrimi i llastikut të dyerve: Të hiqen mbetjet e mundshme që mund të jenë në konturin e derës duke përdorur një sfungjer (jo nga ana abrazive) që është lagur më parë me ujë të demineralizuar.
Gjithmonë këshillohet që të zbrazen rezervuarët nga uji që ka mbetur i papërdorur pas kësaj faze të gjatë që nuk është vënë në punë. Ky veprim nuk është gjithmonë i mundur për pajisjet që kanë një sistem osmotik të ujit. Uji brenda rezervuarit nëse nuk është përdorur dhe nuk është riqarkulluar ka mundësi që të formojë alga apo biofilma dhe ndaj këshillohet:

Që të procedohet me ngarkimin e ujit të demineralizuar (në rastin e autoklavave me ngarkesë manuale), pasi janë kryer procedurat e pastrimit që janë shpjeguar më lart.
Të ndizet pajisja dhe të kryhet një Vakum Test dhe një cikël bosh për të hapur rubinetin e ngarkimit të sistemit osmotik (nëse pajisja sinjalizon për mungesë uji të hapet rubineti i ujit në sistemin osmotik).

Përktheu: Valbona Spahia