ADA kërkon ndalimin e cigareve elektronike që nuk janë aprovuar nga FDA

Lorena Origo

American Dental Association ka nxitur një veprim normativ apo legjislativ në rang federal apo shtetëror për të ndaluar shitjen dhe shpërndarjen e cigareve elektronike, që propozohen si instrumente për të ndihmuar personat që të reduktojnë konsumimin e duhanit, me përjashtim të atyre produkteve që janë aprovuar nga FDA dhe kërkon financimin e kërkimeve për të studiuar efektet e tyre në kavitetin oral.

Për më tepër ADA kërkon që produktet alternative që janë aprovuar të jenë të disponueshme për publikun vetëm me anë të recetave nga mjeku.

Ky hap arrihet pas veprimeve të fundit që janë marrë nga American Medical Association dhe është një ftesë për veprim me objektivin që të garantohet shëndeti dhe siguria e konsumatorëve. ADA tetorin e kaluar ka miratuar një deklaratë kundër përdorimit të cigareve elektronike dhe të produkteve të ngjashme me to për shkak të numrit në rritje të lezioneve orale dhe problemeve të tjera që janë ndeshur muajt e fundit.

"Ndërsa efektet afatgjata të këtyre produkteve mbi shëndetin oral i janë nënshtruar një rishikimi shkencor, sepse profesionistët e shëndetit duhet të jenë të kujdesshëm dhe të mbrojnë konsumatorët nga produktet mundësisht të dëmshme," - ka afirmuar presidenti i ADA, Chad Gehani. "Ne do të vazhdojmë të mbështesim kërkime të mëtejshme, por para së gjithash duhet të mbrojmë shëndetin e pacientëve tanë. Ky ndalim do të garantonte sigurinë e tyre dhe do të merrte në konsideratë impaktin e këtyre produkteve në shëndetin oral."

Përktheu: Valbona Spahia