Dentistët kanë nevojë për udhëzime dhe trajnime për shpërndarjen e të dhënave të ndjeshme në rrjet

Nga Davis Cussotto

Whatsapp është një aplikacion ku mund të shkëmbesh mesazhe, i krijuar në 2009 dhe që nga data 19 shkurt 2014 bën pjesë që në grupin e Facebook Inc. Përdoruesit mund të shkëmbejnë mesazhe, fotografi, video dhe file audio, si edhe informacione mbi mbrojtjen, dokumenta dhe të dhëna të kontaktit ndërmjet dy ose më shumë personave.

Aplikacioni përdoret nga një aparat celular por mund të aksesohet edhe nga kompjuteri; shërbimi i kërkon përdoruesve që të regjistrojnë numrin e celularit. Nga viti 2009 ka ndryshuar mënyra jonë e të komunikuarit dhe ka kaluar me shpejtësi në fusha rikrijuese, miqësore nga ato profesionale.

Raporti i We Are Social 2019 nga Hootsuite, një platformë lider në sektorin e menaxhimit të mediave sociale, na informon se 3 persona nga 5 janë aktivë në rrjetet sociale përreth dy orë në ditë dhe përdorin në rreth 75% të rasteve një pajisje celulare. Sipas sondazhit të Hootsuite platforma sociale më e përdorur është Youtube (87%) e ndjekur nga Whatsapp (84%) që pasohet nga rrjetet e tjera online (si messanger, skype, wechat etj.). Në vend të tretë dhe të katërt renditen Facebook dhe Instagram.

Në klinikën dentare përdoren kryesisht në dy fusha të ndryshme:
A) Në fushën menaxheriale drejtuese për komunikimin e brendshëm ndërmjet stafit.
B) Në raportet me pacientët që lejojnë realizimin e 6 veprimeve të ndryshme:
1) Të fiksohen takimet dhe një reminder.
2) Përzgjedhja: ndërkohë që shkruan mund të marrësh një fotografi të një proteze të lëvizshme që i është thyer një pacienti/pacienteje. Duke u konsultuar me informacionin viziv dhe kartelën klinike të personit mund të vendosim lehtësisht për një takim gjatë ditës për të kryer riparimin.
3) Mbani mend një terapi të programuar (antibiotiku, seleparina përpara një ndërhyrjeje ...).
4) Monitorimi postoperativ ose një terapi në zbatim.
5) Dërgimi i përshëndetjeve, urimeve, përgëzimeve.
6) Zgjidhja e pagesave dhe menaxhimi i kredive. Pacientët e duan këtë raport të drejtpërdrejtë me mjekun.

Davis Cussotto thotë se personalisht i përdor shpesh mesazhet vokale, sepse janë më të shpejta në krahasim me tekstet e shkruara, janë me zë dhe transmetojnë klimën e duhur për marrëdhëniet interpersonale. Por përpiqet që të shmangi përdorimin e Whatsapp për dërgimin e dokumenteve ose imazheve në lidhje me klinikën kur flasim me pacientët.

Bernadette John në një artikull në 2018 "Are you ready for General Data Protection Regulation?" të publikuar në British Medical Journal rithekson se të dhënat në Whatsapp janë në pronësi të Facebook dhe memorizohen në server jashtë Bashkimit Evropian, prandaj kjo duhet të tregohet në informacionet e kërkuara për zbatimin e GDRP.

John sugjeron që t'i përmbaheni kodit etik të vitit 2017 për përdorimin e rrjeteve sociale të British Dental Association. Pasi ky kod është një përmbledhje e shkëlqyer e nettiquette dhe mund të gjeni informacione informale për sjelljen që duhet përshtatur në ueb apo në lidhje me raportin me përdoruesit pacientë në Facebook dhe Twitter.

Përktheu: Valbona Spahia