Një buzëqeshje jo perfekte është shfaqur në reklamën e buzëkuqit të ri nga GUCCI

Dr. Poggio (AIOP): konfirmimi se dhëmbët janë ata që tërheqin vëmendjen kur buzëqeshim

"Çdo formë buze ka nevojë për një buzëkuq, por është harmonia e dhëmbëve që i jep vlera buzëqeshjes." Ky ka qenë pohimi i dr. Carlo Poggio, president i Akademisë Italiane të Stomatologjisë Protetike (AIOP) në një njoftim për shtyp që e ka bërë pikërisht për fushatën e re publicitare të Gucci - t në reklamimin e një linje të re Gucci Makeup, të postuar në profilin e Instagram të markës së njohur. Në foton e paraqitur është portretizuar goja dhe buzëqeshja e rockstar-es punk Dani Miller të cilës i mungojnë dy dhëmbët incizivë lateralë.

Një fushatë publicitare që duket se nxit kureshtjen duke u nisur nga fakti që imazhi ka marrë dhjetëfishin e pëlqimeve (likes), në krahasim me ata që marrin mesatarisht imazhet e profilit të brandit Gucci.

"Sigurisht është një buzëqeshje që vihet re pikërisht sepse nuk është e bukur," - vijon presidenti Poggio që rikujton se shpesh, pikërisht humbja e dhëmbëve frontalë është një faktor stresi dhe shqetësimi psikologjik. "Edhe artistja në një intervistë të fundit që është publikuar në një website të njohur ndërkombëtar të modës zbulon një histori të gjatë të vuajtjes psikologjike si pasojë e talljeve që i janë bërë kur ishte fëmijë," - kujton Poggio.

"Pacientja e vogël tashmë është bërë një rockstar punk dhe defektin e saj e ka kthyer në pikën e saj të fortë." Shpesh pacientët me anomali estetike të buzëqeshjes vuajnë ndaj flasin duke vënë dorën para gojës, duke mos qeshur për të shmangur zbulimin e edentulisë (mungesa e ndonjë elementi dentar), apo arrijnë deri aty sa izolojnë veten duke mos pasur kontakt me personat e tjerë.

"Është e rëndësishme që të nënvizojmë," - shpjegon presidenti Poggio, - "sesi një situatë e këtij tipi, pikërisht sepse karakterizohet nga një gjendje fillestare anti-estetike por të shëndetshme në sensin klinik, kur trajtohet kërkon një menaxhim specialist. Objektivi është absolutisht arritja e një rezultati estetik që nuk përcakton me kalimin e kohës një përkeqësim funksional dhe biologjik. Aktualisht opsionet e trajtimit të agenesis së incizivëve lateralë janë dy: mbyllja e hapësirave me një të ashtuquajtur "camouflage" protetik rikonstruktiv, ose hapje të hapësirave duke përdorur protezat adezive (të ashtuquajtura urat "Maryland") ose implantet e osteointegruar në mbështetje të kurorave protetike që do të zëvendësojnë elementet që mungojnë. Duke u barazuar me kushtet anatomike favorizuese mbyllja e hapësirave duket se është zgjidhja më kompaktibël biologjikisht për një kohë të gjatë me një gjendje shëndetësore kompleksive të gojës. Kushtet anatomike specifike mund ta bëjnë gjithsesi mbylljen e hapësirave të parealizueshme."

Thelbësore është që terapitë të kryhen nga profesionistë të aftë e të përgatitur dhe që terapitë me implante të mos kryhen përpara përmbushjes së rritjes kranio-faciale, pra nëse është e mundur pas moshës 20 vjeç.

"Studimet klinike," - kujton Poggio, - kanë treguar se implantet e osteointegruar priren të mos ndjekin proceset natyrale të rimodelimit kockor afatgjatë, pra një vendosje sa më vonë të jetë e mundur mund të shmangë problemet e mundshme. Prandaj mosha e rockstar-es (26 vjeç) është mosha minimale kur mund të mendohet për të ndërhyrë me implante, pra ndoshta zgjedhjet terapeutike të bëra deri më tani nuk kanë qenë të pamenduara, përtej zgjedhjes subjektive të pacientes për të mos mbajtur provizorët që përdoren në përgjithësi."

Duke u rikthyer në fushatën publicitare të Gucci, Presidenti i AIOP pohon se zgjedhja e brandit për të përdorur buzëqeshjen jo perfekte të artistes sigurisht që nxit interes, por duke parë foton sytë mbesin tek mungesa e dy dhëmbëve dhe jo te ngjyra e buzëkuqit duke konfirmuar edhe njëherë se janë dhëmbët ata që i japin shprehinë dhe rëndësinë buzëqeshjes së personave."

Përktheu: Valbona Spahia