Ekipi i suksesshëm stomatologjik në bazën e rritjes profesionale

7 hapat për të bërë të mundur që të lindë dhe të konsolidohet

Nga Cussotto Davis

Një kontribut i rëndësishëm për kënaqësinë e pacientit vjen nga kapaciteti për të punuar në grup, duke respektuar aftësitë individuale profesionale. Ajo që jeton pacienti është e lidhur me kalimin e informacioneve midis më shumë personave.

Janë 7 elemente bazë që i mundësojnë personave që të rriten profesionalisht dhe në respekt të diversiteteve, me synimin për t'u bërë një i tërë apo për të lëvizur në harmoni në të njëjtin drejtim.

1) Fikso objektivin

Është arsyeja pse personat duhet të ndërveprojnë. Me fjalë të tjera: ajo që duhet të ndodhë falë lojës së skuadrës ka një rol përcaktues dhe kushtëzon të gjithë të tjerët. Objektivi duhet shprehur me fjalë të thjeshta në mënyrë që të jetë i qartë për të gjithë:

Dy faza dështimi:
• të marrësh të mirëqenë se mendimi mund të arrijë si me mrekulli te të tjerët
• të hamendësosh se të tjerët e dinë tashmë

Formulimi i qartë i objektivit mundëson që të punojmë qetësisht me qëllim që:
• të gjithë të reagojnë në të njëjtin drejtim
• çdo person të dijë nëse e kryen rolin dhe nëse vepron në mënyrën e duhur

2) Ndiq leadership-in

Përfaqëso udhëheqësin për sa i përket shumicës së individëve. Ky rol shprehet në dy mënyra:

• autoriteti (të qenit shef) është formalizuar dhe konsiston në përcaktimin e rregullave
• leadership-i (të qenit lider) fitohet në terren falë kapaciteteve të ndërmjetësimit, ndarjes së njohurive personale dhe njohjes së kontributeve të të tjerëve.

Lideri kryen 6 detyra të përcaktuara në marrëdhëniet me të tjerët:
1) të bëjë komplimente dhe të evidentojë mangësitë
2) të reagojë
3) t'i përgjigjet veprimeve të të tjerëve (ankesave të pacientëve, për shkak se përcakton detyra dhe role)
4) të mbikëqyrë punën e të tjerëve
5) të impenjohet vetë edhe për pjesëtarët e tjerë të ekipit
6) të udhëheqë, nxisë dhe motivojë
Jo gjithmonë gjërat shkojnë në mënyrën e duhur dhe është pikërisht këtu ku shihet roli i liderit dhe forca e grupit: t'i bësh ballë bashkë dhe me lehtësi, gatishmëri, qetësi dhe krijimtari gjërave të papritura e pak të këndshme.

3) Përcaktimi i roleve
Lind nga kompetencat dhe nga kapacitetet por mund të lidhet dhe me aspektet karakteriale. Në mënyrë tradicionale mund t'i ndajmë aktivitetet e personelit ndihmës në:
• detyra ndihmëse në poltron: përgatitje, asistencë, sistemim
• detyra të sekretarisë
Nëse volumi i punës e lejon dhe punonjësit janë më shumë se një, është e volitshme që të ndajmë dy aktivitetet. Sigurisht të dy palët duhet të njohin zëvendësimin reciprok të punës së tjetrit. Specializimi i dyfishtë (asistente dhe sekretare) është një vlerë e shtuar në fakt e organizimit dhe komunikimit.

4) Ilustro metodën
Ka të bëjë me mënyrën e ekzekutimit të procedurave të ndryshme të punës. Zhvillon aktivitetet, përdorimin e pajisjeve, mirëmbajtjen dhe rregullimin, instrumentet e komunikimit, kontrollet.
Duhet të jetë i ekspozuar në mënyrë të qartë dhe të thjeshtë dhe mbi të gjitha i ndarë. Duhet të tregojë se si aftësitë dhe kompetencat e secilit duhet të integrohen për të prodhuar diçka që askush i vetëm nuk mund të çojë në përfundim.
Mirëpritet një tekst i shkruar në formën e udhëzimeve që mund të jetë një listë e thjeshtë për t'u realizuar (10 gjërat që bën asistenti që hap klinikën...), një Urdhër Shërbimi (si të dezinfektojmë, pastrojmë, sterilizojmë dhe ruajmë pajisjet) apo një protokoll salle (çfarë duhet të përgatisim për një ritrajtim endodontik).

5) Kuro komunikimin
Është një element i rëndësishëm sepse nga akti i komunikimit nuk del në pah vetëm përmbajtja, apo mesazhi, por del në pah në mënyrë mbizotëruese lloji i marrëdhënies që stabilizohet
• marrëdhënie bashkëpunuese
• marrëdhënie negative
Për shembull: fjalë të thjeshta dhe të qarta, mund të marrin domethënie shumë të ndryshme në lidhje me komponentët jo-verbalë. Mendoni për zërin: toni, lakimi, volumi, pauzat. Akoma dhe më shumë ndikojnë komponentët e shprehur nëpërmjet trupit: drejtimi i shikimit, mimika faciale, postura, gjestet, distanca. Nëse në të punuarin bashkë ka sadopak "ndryshk", kjo me të njëjtat fjalë të zakonshme, rishfaqet në formë jo-verbale nëpërmjet mesazheve të trupit: të njëjtat fjalë të shprehura me zë apo trup në mënyrë të ndryshme, krijojnë mesazhe shumë të ndryshme nga toni i zërit dhe domethënia.

Një shembull i thjeshtë, një përshëndetje: "Përshëndetje, Elena! Ja ku jemi. Është gati salla?"
Në versionin e komunikimit të mirë, ai shoqërohet nga zëri me ton të këndshëm dhe volumi i duhur, pauzat e duhura, shikimi sy më sy, buzëqeshja e sinqertë, postura e çliruar, gjestet e duarve të buta (ndërsa emocionet dhe disponueshmëria me shumë përzemërsi).

Në versionin e komunikimit të keq: shikimi është i kthyer tjetërkund, zëri është i ndrydhur, toni është i prerë, postura është e ngurtë, duart janë të zëna duke bërë tjetër gjë ose në xhep. Domethënia e mesazhit i përket një galaktike tjetër (nxit emocione antipatie dhe mosmarrëveshjesh).

6) Kultivo një klimë pozitive

Elementi tjetër në paketë është klima. Elementin e butë, mund ta përcaktojmë si energji që qarkullon midis personave gjatë aktivitetit të punës. Mund të shprehë vlerësim dhe mbështetje ose konkurrencë dhe ngurtësi. Ndikohet nga aspektet jo verbale të komunikimit dhe mund të favorizojë apo dëmtojë arritjen e objektivave. Në ndryshim nga klima meteorologjike nuk ka madhësi fizike për ta matur, por pacienti sapo futet në klinikë thjesht e prek.

7) Syno rritjen.
Nëse qartësimi i objektivit, roli i liderit, caktimi i roleve dhe formulimi i metodës janë të mirë përcaktuara, do të kemi mundësi të mira për të krijuar një komunikim efikas dhe një klimë të qetë në punë, menjëherë e perceptuar nga pacienti.
Me konsolidimin e 7 elementeve, të punosh bashkërisht përfaqëson një mundësi rritjeje: mësohet gjithmonë diçka.

Mësimi bëhet burim i kënaqësisë për të njohur gjëra të reja të një fushe tjetër, ashtu si për të mësuar nga të tjerët që të zbusin stilet e sjelljes. Grupi në vijim të frekuentimit në punë mund të përftojë kapacitete të reja në procedimin me rrjedhshmëri më të madhe në aktivitete, në zgjidhjen e problemeve, në përshpejtimin e procesit dhe në gjetjen e zgjidhjeve të reja krijuese ("Krijimtaria është të bashkosh gjëra të ndryshme" [Steve Jobs]).

Në bashkëpunim me Erika Leonardi, eksperte në menaxhimin e biznesit.

Përktheu: Erjola Taga