|

Shërimi parodontal në pjesën distale të molarit të dytë mandibular pas koronektomisë së molarit të tretë mandibular. Punim italian në "Journal of Oral and Maxillofacial Surgery"

Hyrje
Teknika kirurgjikale e koronektomisë është sot një opsion terapeutik i konsideruar nga literatura shkencore si një alternativë e vlefshme kirurgjikale për trajtimin e molarëve të tretë me risk të lartë për dëmtim neurologjik. Megjithatë mbeten akoma të hapura disa pikëpyetje që lidhen me këtë teknikë si: cili është shërimi parodontal distal për molarin e dytë.
Tema e shërimit parodontal është një argument shumë i diskutueshëm edhe për sa i përket ekstraktimit komplet të molarëve të tretë mandibular, për mundësinë e mbetjes së një defekti parodontal distal për molarin e dytë pas heqjes së molarit të tretë.
Pikërisht mbi këtë background letrar është ideuar studimi ynë, që ka vendosur si objektiv  të vlerësojë se cili është shërimi parodontal në pjesën distale për molarin e dytë mandibular, sjelljen e fragmenteve radikolare të lënë në njësi me distancë 9 muaj nga ndërhyrja dhe komplikimet post-operatore që lidhen me këtë lloj ndërhyrje.

Materiale dhe Metoda
Si pjesë e studimit në fjalë janë kryer dhe vlerësuar 34 koronektomi në 30 pacientë pranë Repartit të Kirurgjisë Orale të Departamentit të Shkencave Bio-mjekësore dhe Neuromotore, Bologna nga nëntori i vitit 2011 deri në qershor 2012.
Kemi përfshirë në studim pacientët që paraqisnin udhëzimet klinike (në linjë me kriteret e U.S.A.N.I.H.) për ekstraktimin e një molari të tretë të retinuar ose gjysmë të retinuar me risk të lartë për dëmtim neurologjik vlerësuar mbi Rx OPT dhe TAC.
Është vlerësuar shërimi parodontal për sa i përket hetimit parodontal (PPD), lartësia e kockës alveolare (MC-BOD) dhe distanca midis CEJ dhe kreshtës së kockës (CEJ-BOD) së molarit të dytë. Masat janë marrë në 3 pika (DV, M, DL) nga sipërfaqja distale e molarit të dytë me ndihmën e një maske kirurgjikale. Janë vlerësuar më pas nëpërmjet radiografive migrimi i mundshëm i mbetjeve radikolare (për sa i përket subjektit dhe drejtimit) dhe ndonjë lloj komplikimi që lidhet me këtë lloj ndërhyrje.
Gjithashtu është vlerësuar lidhja e mundshme midis shërimit parodontal dhe llojit të retinimit të molarit të tretë (i retinuar ose gjysmë i retinuar) ose midis shërimit parodontal dhe pozicionit të retinimit të molarit të tretë (vertikal ose horizontal) ose midis shërimit parodontal dhe migrimit të fragmenteve radikolare të lënë në njësi.

Rezultate
Mbi bazën e asaj që u tha më lart, janë kryer 34 koronektomi në 30 pacientë (9 meshkuj dhe 21 femra) me moshë mesatare të njëjtë, 28 vjeç (shkalla e moshës përfshirë midis 19 dhe 49 vjeç). Nga 34 molarët e tretë të trajtuar, 17 (50%) ishin të retinuar dhe 17 (50%) pjesërisht të retinuar. Megjithatë 14 (41%) ishin në pozicion vertikal dhe 20 (59%) ishin në pozicion horizontal.
Në asnjë rast nuk janë verifikuar lezione neurologjike as të përkohshme as të përhershme në Nervin Alveolar Inferior ose në Nervin Lingual (0%). Rindërhyrja nga ana e mjekut (kirurgjia e dytë) ishte e nevojshme për 4 molarë të tretë (11,8%): në rastin e parë rrënja është hequr 8 muaj pas kirurgjisë për fenomene të pulpës dhe në rastet e tjera rrënjët janë hequr sepse migrimi ka përcaktuar daljen në kavitetin oral. Në rastin e fundit rindërhyrja ka shërbyer për të lëshuar në vijim rrënjët e mbetura për sa migrimi kishte provokuar impaktin mbi njësinë distale të molarit të dytë.
Shërimi parodontal gjatë nëntë muajve ka hezituar për një reduktim statistikisht domethënës të thellësisë së xhepit dhe në një përfitim kockor gjithmonë statistikisht domethënës.
Pjesa më e madhe e rrënjëve të lëna në njësi kanë migruar nëpërmjet kurorës krahasuar me Nervin Alveolar Inferior me një njësi prej rreth 3 mm. Nuk është vërejtur asnjë lidhje midis llojit të retinimit dhe/ose pozicionit të retinimit dhe migrimit të fragmenteve radikolar ose shërimit parodontal.

Konluzione
Pas ndërhyrjes së koronektomisë është regjistruar një shërim progresiv i periodontiumit në pjesën distale të molarit të dytë me restaurimin e një kuadri fiziologjik prej 9 muajsh. Por studime të mëtejshme janë të nevojshme për të konfirmuar rezultate të tilla preliminare.

Figura 1. Rx post-operator

Figura 2: Shërimi radiografik 12 muaj nga ndërhyrja koronektomisë

Figura 3. Shërimi klinik 12 muaj nga ndërhyrja e koronektomisë

Sinteza nën kujdesin e njërit prej autoreve: Elisabetta Vignudelli

Per më tepër:
Periodontal Healing Distally to Second Mandibular Molar After Third Molar Coronectomy- Autori: Elisabetta Vignudelli, DDS, MSc; Giuseppe Monaco, DDS; Maria Rosaria Antonella Gatto, MD, PhD; Simonetta Franco, DDS, MSc; Claudio Marchetti, MD, DDS, and Giuseppe Corinaldesi, MD, DDS.- Journal of Oral and Maxillofacial Surgery- Volume 75, Issue 1, January 2017, Pages 21-27.

Përktheu: Erjola Taga

Për të votuar duhet të vendosni kredencialet tuaja në Medikey

Interesant ( 121 votim / mesatar 3 )