Kur, si dhe pse përdoret laseri në stomatologji

Të shumta janë përfitimet klinike të përdorimit të laserit në fushën kirurgjike si eliminimi ose reduktimi i përdorimit të anestetikëve lokalë, një prerje e lehtë e indeve të buta edhe me përmasa të vogla, traumatizma minimale ose të reduktuara të tyre, mungesa e gjakrrjedhjes me pasojë mundësinë për të mos fiksuar penjtë, dekontaminimi i pjesës kirurgjikale gjatë trajtimit, zvogëlimi i ënjtjes dhe dhimbjes post-operatore me formim të limituar të indit të prerë. Duhet theksuar se pacienti, kur është në dijeni të avantazheve që vijnë nga përdorimi i kësaj teknologjie, e pranon me shumë dëshirë.

Me laserin mund të kryhen prerjet për ndërhyrjet kirurgjikale me natyrë të ndryshme, heqjen e cisteve dhe neoformimin në ngarkesë të indeve të buta, frenulektomitë, vestibuloplastikat, gingivoplastikat, gingivektomitë, prerjen dhe drenimin e absceseve, zgjerimin e sulcus gingival (Fig. 1 dhe 2).

Fibroma e qiellzës: heqja kirurgjike nëpërmjet laserit Er.YAG

Përveç se laseri paraqet "gold standart" në trajtimet e keqformimeve vaskulare të zgavrës orale mbi të gjitha për ato me fluks të ulët, siguron edhe një trajtim të shpejtë dhe minimalisht invaziv. Në ditët e sotme është e mundur të trajtohen, edhe në nivelin ambulatorial, kuadrot klinike komplekse që në të kundërt do të kishin nevojë për ndërhyrje kirurgjiko - farmakologjike shumë të zgjeruara.
Ndërmjet teknikave me laser që janë përshkruar, termofotokoagulimi trasmukozal (TFT) është ai që ofron raportin avantazhe - disavantazhe më të favorshëm. Në fakt nuk krijon një zgjidhje të vazhdueshme të indeve të veshjes, redukton riskun e hemorragjisë intraoperatore dhe shqetësimet postoperatore për pacientin, lejon një shërim optimal edhe në zonat e forta (Fig. 3 dhe 4).

Lezione me lokalizim retro commissural

TFT me fibra pa kontakt

Aspekti postoperator

Keqformim vaskular i muskulit bukal në anën e djathtë, pamja preoperatore

Imazhi i kontrollit postoperator

Low Level Laser Therapy (LLLT), rrezatimi me dritë laser me fuqi të ulët, mund të përdoret me sukses në simptomatologjitë algjike në përgjithësi dhe tek ato që mund të prekin specifikisht zonat e ndryshme oro-maksilo-faciale. Trajtimet me LLLT, në fakt, duket sikur përgjigjen pozitivisht në menaxhimin e dhimbjes nociceptive-inflamatore dhe në atë kronike të tipit neuropatik. Energjia e laserit ofron në këtë kuptim mundësi të rëndësishme terapeutike, mbi të gjitha në mungesë të kundërindikacioneve dhe efekteve anësore.
Nëse konsiderohen të gjitha kushtet dhe të gjithë kontekstet kliniko-sindromike që lidhen me dhimbjen, me natyrë dhe intensitet të ndryshëm, LLT mund të jetë një alternativë e vlefshme për shumë trajtime terapeutike.
Ashtu si për përdorimin e instrumenteve të tjera kirurgjike, edhe laseri parashikon një kurbë të saktë të kuptueshmërisë përveçse një njohuri të saktë të vendosjes së parametrave dhe të raportit të ndërveprimit dritë - inde dhe si çdo tip ndërhyrja mbi indet e buta, nuk mund të përjashtohet nga një planifikim i saktë kirurgjik dhe nga një menaxhim i përshtatshëm i pacientit.

Nën kujdesin e: Anna Maria Melica, Konsulente Shkencore e Dental Cadmos

Përktheu: Valbona Spahia